QR Premer-mınıstrí Oljas Bektenovtíń tóraǵalyǵymen ótken Úkímet otyrysynda turısterdíń elímízde jaıly jáne qauípsíz demalysyn qamtamasyz etu máselesí qaraldy.
Úkímet otyrysy barysynda QR turızm jáne sport mınıstrí Erbol Myrzabosynov elímízdíń turıstík salasy jyl saıyn damyp, áleuetín arttyryp kele jatqanyn bayandady, dep habarlaıdy aqshamnews.kz.
Cala mınıstrlígíníń málímetínshe, 2024 jyly otandyq turıster sany 10,5 mln; sheteldík kelushíler – 15,3 mln teńgení qūrady. Búgíngí tańda 87 memleket úshín vızasyz rejım qarastyrylǵan, 107 shet memleket azamattary elektrondy túrde vıza rásímdeu múmkíndígíne ıe.
«Memleket basshysy turızm ındustrıyasy ekonomıkalyq ósímníń mańyzdy draıverí ekenín bírneshe ret atap óttí. Bíz Qazaqstannyń sheteldík turısterge dostyq peıílí bar, emín-erkín demaluǵa qolaıly el retínde tartymdylyǵyn arttyru úshín qajettí jaǵdaı jasauymyz kerek. Būl baǵytta auqymdy jūmys atqaryluda. Halyqaralyq áue qatynastarynyń, temírjol jáne avtokólík baǵyttarynyń geografıyasy keńeıtílude. Sheteldík azamattar úshín kóshí-qon rásímderín jeńíldetu qolǵa alyndy. Kelgen qonaqtardyń emín-erkín árí qauípsíz demalysyna erekshe kóńíl bólíníp otyr. Mysaly, Almaty, Shyǵys Qazaqstan jáne Jetísu oblystarynda kórshíles elderden kelgen turısterdí qabyldau jūmystary júrgízíldí. Būl tájírıbení keńínen taratu qajet.
Turıstík ónímderdí naqty turıstík toptardyń, ásírese shekaralas óńírlerdegí turısterge beıímdegen jón», — dep atap óttí Oljas Bektenov.