Túrkístan oblysynyń Ordabasy audanynda Batys Europa – Batys Qytaı halyqaralyq kólík dálízí boıynda Qazaq Oil brendíne tıesílí franshızamen jūmys ísteıtín Qazaqstandaǵy írí janarmaı qūyu keshení ashyldy, – dep habarlaıdy aqshamnews.kz tílshísí.
Keshen alańy 2 gektar bolatyn aumaqta ornalasqan. Ǵımarattyń jalpy audany 1245 sharshy metrge teń. Janarmaı qūyu stantsıyasynda 10 benzın jáne 8 dızel otyn taratatyn baǵanalar jūmys ísteıdí. Būl aımaqtaǵy negízgí tranzıttík baǵyttardyń bírí arqyly ótetín jeńíl jáne júk kólíkteríníń úlken aǵynyna qyzmet kórsetuge septígín tıgízedí.
Jańa stantsıyada kelushíler úshín qajettí qyzmet túrlerí bar. Atap aıtqanda, úlken market, kofehana aımaǵy, balalar alańy, namazhana, juynu bólmelerí, kír juu orny, keń sanıtarlyq aımaqtar jáne elektromobılderge arnalǵan quattau beketterí ornalasqan. Joba janarmaımen qamtamasyz etuden bólek, sayahatshylar men alys reıstegí júrgízushíler úshín zamanauı ınfraqūrylym qūrudy da kózdeıdí.
Jobanyń saltanatty ashylu rásímí óttí. Qonaqtarǵa dastarhan jaıylyp, ūlttyq aspaptardyń áuenímen órílgen muzykalyq baǵdarlama ūsynyldy. Būdan bólek merekelík shatyr tígílíp, qonaqtarǵa túrlí taǵamdar ūsynyldy, sonymen qatar syılyqtar oınatyldy.
Qazaq Oil franchaızıng baǵyty kompanıyanyń strategıyalyq basymdyqtarynyń bírí bolyp qala beretínín atap óttí.
"Búgíngí tańda Qazaqstanda Qazaq Oil franshızasymen 50-den astam janarmaı qūyu stantsıyasy jūmys ísteıdí árí būl baǵyt belsendí damyp keledí. Bíryńǵaı jūmys standarttary, janarmaı men servıstíń tūraqty sapasy, seríktesterge kórsetíletín keshendí qoldau nátıjesínde kásípkerler tarapynan úlken qyzyǵushylyq baıqalyp otyr", – dep habarlady kompanıya.
Erkın Muzrapovtyń aıtuynsha, Qazaq Oil kompanıyasymen áríptestík bıznestíń damuynda mańyzdy faktor boldy.
"Bíz 2023 jyldan berí Qazaq Oil kompanıyasymen jūmys ísteımíz jáne būl seríktestíkke dán rızamyz. Kompanıya uaqytyly jetkízílímmen qamtamasyz etíp, sūranystarǵa jedel jauap beredí árí barlyq jūmys máselelerí boıynsha joǵary deńgeıde qoldau kórsetedí. Bíz úshín būl senímdí jáne kásíbı seríktes", – dedí Erkın Muzrapov.
Qazaq Oil kompanıyasyna franchaızımen seríktestík óńírlerdegí qatysu ayasyn keńeıtuge, el boıynsha jol boıy servısíníń bíryńǵaı standarttaryn damytuǵa múmkíndík beredí. Túrkístan oblysyndaǵy jańa nysan jeke ınvestıtsıyalar men írí brendtíń bírlese otyryp, Qazaqstannyń negízgí kólík baǵyttarynda zamanauı ınfraqūrylym qalyptastyryp jatqanyn kórsetetín mysaldyń bíríne aınaldy.