Almatydaǵy mektepte Ūlttyq ūlannyń qatysuymen tótenshe jaǵdaılarǵa arnalǵan keshendí oqu-jattyǵu óttí, – dep habarlaıdy aqshamnews.kz tílshísí.
14 mamyr kúní Almaty qalasynyń aumaqtyq azamattyq qorǵau kíshí júıesín odan árí jetíldíru, basqaru organdary men azamattyq qorǵau kúshterín Almaty qalasynda qıratushy jer sílkínísí tuyndaǵan kezdegí ís-qımyldarǵa daıyndau maqsatynda jalpyqalalyq seısmıkalyq tekseru júrgízíldí.
Osyǵan baılanysty, Almaty qalasy Alatau audanyndaǵy №210 mektep-lıtseıínde, Ūlttyq ūlan áskerı qyzmetshíleríníń qatysuymen, tótenshe jaǵdaı kezíndegí ís-qımyldarǵa arnalǵan keshendí,oqu-jattyǵuy óttí. Ís-sharanyń maqsaty – oqushylar men pedagogıkalyq ūjymnyń jer sílkínísí jáne tehnogendík apattar kezínde dūrys áreket etu daǵdylaryn jetíldíru.
Jattyǵuǵa mektep ákímshílígí, 5–10 synyp oqushylary, medıtsına qyzmetkerlerí, sondaı-aq QR Ūlttyq ūlany 5571 áskerı bólímíníń áskerı qyzmetshílerí qatysty, olar shartty túrde órt sóndírushíler men qūtqarushylardyń rolín atqardy.
Stsenarıı boıynsha Almaty qalasynda 9 baldyq qıratushy jer sílkínísí boldy degen shartty dabyl jarıyalandy. Sabaq barysynda berílgen belgí boıynsha mūǵalímder oqushylardy jedel túrde qauípsíz aımaqqa evakuatsıyalady. Jattyǵu kezínde zardap shekken oqushyǵa alǵashqy kómek kórsetílíp, qūtqarushylar ony medıtsına qyzmetkerleríne jetkízdí.
Oqu-jattyǵudyń kelesí kezeńínde mektep ashanasynan gaz ıísí shyǵyp, órt shyqqany turaly habarlama tústí. Oqıǵa ornyna jedel jetken 5571 áskerı bólímíníń áskerı qyzmetshílerí órttí oqshaulap, jaraqat alǵan ashana qyzmetkerín qauípsíz jerge shyǵaryp, medıtsına mamandaryna tapsyrdy. Shartty órt tolyqtaı sóndírílíp, jaǵdaı tūraqtandyryldy.
Sondaı-aq, stsenarıı ayasynda jer sílkínísínen keıín baspanasyz qalǵan tūrǵyndardy mektep ǵımaratyna uaqytsha ornalastyru ís-qımyldary da pysyqtaldy. Qatysushylarǵa evakuatsıyalyq qabyldau punktín ūıymdastyru, medıtsınalyq kómek kórsetu jáne zardap shekkenderge jaǵdaı jasau tártíbí túsíndíríldí.
№210 mektep-lıtseı dırektorynyń orynbasary Saltanat Ashımbaeva mūndaı jattyǵulardyń mańyzdylyǵyna toqtaldy.
- Búgíngí oqu-jattyǵudyń basty maqsaty – balalar men pedagogterdíń tótenshe jaǵdaı kezínde sabyr saqtap, naqty árí úılesímdí áreket etuín qalyptastyru. Osyndaı tájírıbelík sharalar qauípsízdík mádenıetín arttyryp, kez kelgen qauípke daıyn boluǵa úıretedí. Jattyǵuǵa qoldau kórsetken Ūlttyq ūlan áskerı qyzmetshíleríne alǵysymyzdy bíldíremíz, - dedí dırektordyń orynbasary.
Ís-shara sońynda mektep-lıtseı dırektory Gúlnara Ahmetova jattyǵudy qorytyndalap, qatysushylardyń ís-qımyldaryna baǵa berdí.
Mektep-lıtseıdíń alǵashqy áskerı jáne tehnologıyalyq daıyndyq páníníń mūǵalímí zapastaǵy polkovnık Nıyaztaı Alkeshev atalǵan ís-sharada kórsetílgen bílím men daǵdylardyń mektep oqushylary úshín óte paıdaly bolǵandyǵyn atap ótíp, ony ūıymdastyruǵa praktıkalyq kómek kórsetken Ūlttyq ūlannyń 5571 áskerı bólímí áskerı qyzmetshíleríne alǵysyn bíldírdí.
Qazaqstan Respublıkasy Ūlttyq ūlany
«Ońtústík» óńírlík qolbasshylyǵynyń baspasóz qyzmetí