Almatyda «Almaty Jastary» baǵdarlamasyna ótíním qabyldau 1 mausymda bastalady, – dep habarlaıdy aqshamnews.kz tílshísí.
Almatyda jastarǵa arnalǵan jeńíldetílgen tūrǵyn úı nesıesín ūsynatyn «Almaty Jastary» baǵdarlamasy boıynsha ótíním qabyldau bıyl 1-15 mausym aralyǵynda ótedí. Būl turaly qalalyq Kommunaldyq ınfraqūrylymdy damytu jáne tūrǵyn úı ınspektsıyasy basqarmasynyń ókílderí habarlady.
Ótínímdí kezekte.kz portalyndaǵy «Tūrǵyn úı servısterí» bólímínde ornalasqan «Almaty Jastary» servısí arqyly 1 mausym saǵat 09:00-den 15 mausym saǵat 18:00-ge deıín joldauǵa bolady. Júıege kíru úshín elektrondyq tsıfrlyq qoltańba (ETsQ) qajet.
Baǵdarlama ayasynda qatysushylarǵa mynadaı sharttar ūsynylady:
— nesıe kólemí 20 mıllıon teńgege deıín;
— jyldyq mólsherleme — 5%;
— bastapqy jarna — 10%;
— bastapqy jáne qaıtalama naryqtan baspana satyp aluǵa múmkíndík beríledí.
Jobaǵa Almaty qalasynda tūratyn 35 jasqa deıíngí jastar qatysa alady.
Qatysushylarǵa qoıylatyn negízgí talaptar:
— Almaty qalasynda kemínde bír jyl tūraqty tírkeude bolu;
— sońǵy bes jylda úmítkerdíń jáne onyń otbasy músheleríníń atynda tūrǵyn úıdíń bolmauy;
— Almatyda kemínde alty aı resmı jūmys ótílí men míndettí zeınetaqy audarymdarynyń boluy.
Baǵdarlama densaulyq saqtau, bílím beru, mádenıet, sport salalarynyń qyzmetkerleríne, JOO men ǵylymı-zertteu ınstıtuttarynyń mamandaryna, jurnalısterge, áleumettík sala ókílderíne, qūqyq qorǵau organdary men kommunaldyq qyzmet qyzmetkerleríne, sondaı-aq «Jūmys ísteıtín jastar» baǵdarlamasynyń jalǵa alushylaryna arnalǵan.
Baǵdarlama turaly tolyq aqparatty kezekte.kz saıtyndaǵy «Tūrǵyn úı servısterí» bólímínen tabuǵa bolady. Baılanys telefony: +7 (727) 225-14-57.