Almaty qalasynda Psıhıkalyq densaulyq ortalyǵynyń bazasynda táulík boıy tegín árí anonımdí shūǵyl psıhologıyalyq kómek qyzmetí jūmys ísteıdí, – dep habarlaıdy aqshamnews.kz tílshísí.
Endí qala tūrǵyndaryna qoldau aluǵa júgínu būrynǵydan da jeńíldedí — Sením telefonynyń bíryńǵaı qysqa nómírí 1303 engízíldí.
Būl turaly Almaty Qoǵamdyq densaulyq saqtau basqarmasynyń shtattan tys bas psıhıatry Nábı Esímov medıtsınalyq ūıymdardyń qatysuymen ótken jūmys keńesínde málímdedí. Keńes Almaty QDSB basshysy Marat Pashımovtyń tóraǵalyǵymen óttí.
Būǵan deıín tūrǵyndar ūzyn qalalyq jáne mobıldí nómírler arqyly habarlasatyn. Psıhologıyalyq kómektíń qoljetímdílígín arttyru jáne jedel baılanysty qamtamasyz etu maqsatynda este saqtauǵa jeńíl qysqa nómír — 1303 engízu turaly sheshím qabyldandy. Sonymen qatar +7 (727) 376-56-60 jáne +7 708 983 28 63 baılanys jelílerí de jūmysyn jalǵastyruda.
Keńes barysynda autodestruktıvtí mínez-qūlyqtyń aldyn alu jáne halyqty qoldau sharalaryna erekshe nazar audaryldy. Almatyda jasóspírímder men eresekter arasynda suıtsıdtíń aldyn alu jáne autodestruktıvtí mínez-qūlyqty erte anyqtau baǵdarlamalary júzege asyryluda.
Marat Pashımov uaqytyly kórsetílgen psıhologıyalyq kómek pen qoldau sūrauǵa jedel múmkíndík beru halyqtyń psıhıkalyq densaulyǵyn saqtauda mańyzdy ról atqaratynyn atap óttí.
Psıhıkalyq densaulyq máselelerínen bólek, keńeste qalalyq densaulyq saqtau júıesín damytu, medıtsınalyq nysandar ınfraqūrylymynyń jaǵdaıy, kúrdelí jóndeu máselelerí, sondaı-aq halyqty vaktsınatsıyalau kórsetkíshterí talqylandy.
Immundau máselelerí boıynsha Almaty qalalyq Sanıtarıyalyq-epıdemıologıyalyq baqylau departamentí basshysynyń orynbasary Ásel Qalyqova bayandama jasady. Qyzylsha, qyzamyq, epıdemıyalyq parotıt, adam papıllomasy vırusyna qarsy profılaktıkalyq egulermen qamtu, sondaı-aq dıfterıya, kókjótel, sírespe, V vırusty gepatıtí, polıomıelıt jáne gemofıldí ınfektsıyaǵa qarsy vaktsınatsıya boıynsha málímetter ūsynyldy.
Sonymen qatar qylmystyq-atqaru júıesí mekemeleríndegí adamdarǵa medıtsınalyq kómek kórsetu máselelerí qaraldy. Būl baǵytta konsultatsıyalar, dıagnostıka, profılaktıkalyq tekseruler men skrınıngter júrgízílude.
Kezdesu ayasynda orfandyq aurulary bar patsıentterge kómek kórsetu máselelerí de talqylandy. QR Densaulyq saqtau mınıstrlígíníń eresekterdegí orfandyq aurular jóníndegí shtattan tys bas mamany Zaure Dushımova emdeu tıímdílígíne júrgízílíp jatqan monıtorıng pen patsıentterdí baqylau jūmystary turaly bayandady.