Kúrdelí sátte jūmylyp jūmys ísteu kerek.
Úkímettíń keńeıtílgen otyrysyn qorytyndylaǵan Prezıdent Qasym-Jomart Toqaev memlekettík apparatqa jūmylyp jūmys ísteudí tapsyrdy, dep habarlaıdy Almaty-akshamy.kz QazAqparat caıtyna sílteme jasap.
«Memlekettík qyzmetshíler osynau elímíz úshín kúrdelí sátte jūmylyp jūmys ísteu kerek. Sízderge bastamalar kóteríp, qajet kezínde shūǵyl sheshím qabyldaı alatyn qabílet tanytu kerek. Bastama aıtpaıtyn, nemqūraıdy sheneuníkter bízge kerek emes», - dedí Memleket basshysy.
Prezıdent qūqyq qorǵau organdaryna jemqorlyqpen kúreste obektıvtí boludyń mańyzy zor ekenín basa aıtty.
«Qūqyq qorǵau organdary memlekettík apparattyń jūmysynan sybaılas jemqorlyqty anyqtau kezínde qyraǵylyq, jedeldík, obektıvtílík tanytuy kerek. Shyn kínálílerdí zań boıynsha jazalau qajet. Memlekettík satyp alularǵa erekshe nazar audarǵan jón. Būl sala álí de bolsa ashyq bolmaı tūr. Jol jáne basqa da qūrylys túrlerínde lauazymdy terís paıdalanu máselesíne, ásírese, írí jáne orta ınfraqūrylymdyq jobalarǵa osyndaı nazar audaru kerek. Bír sózben aıtqanda, sybaılas jemqorlyqpen júıelí, bírízdí kúres bízdíń myzǵymaıtyn basym baǵytymyz bolyp qaluy tıís. Memlekettík apparat jınaqy boluy kerek jáne nátıjege baǵdarlanǵan boluy qajet», - dedí Qasym-Jomart Toqaev.