Memleket basshysy AQSh Kongresí Ókílder palatasynyń múshelerí Djımmı Panettamen, Kerol Mıllermen, Bıll Haızengamen jáne Sıdnı Kamlager-Davpen kezdestí.
Prezıdent AQSh Kongresí Qazaqstanmen dostyq baılanystardy nyǵaıtuda mańyzdy ról atqaratynyn atap ótíp, parlament músheleríne ekí el arasyndaǵy keńeıtílgen strategıyalyq seríktestíktí ílgeríletuge qosqan úlesí úshín alǵys aıtty.
Qasym-Jomart Toqaev Kongrestegí Djımmı Panetta basqaratyn «AQSh – Qazaqstan» dostyq toby (kokus) qos halyq arasyndaǵy sayası dıalogty tereńdetuge, ekonomıkalyq kooperatsıya men baılanystar ayasyn keńeıtuge yqpal etíp otyrǵanyna nazar audardy.
AQSh – Qazaqstannyń eń írí ekonomıkalyq seríktesteríníń bírí. Qūrama Shtattar elímízdíń ekonomıkasyna 100 mıllıard dollardan astam ınvestıtsıya saldy. Būl – Ortalyq Azıyaǵa baǵyttalǵan jalpy ınvestıtsıya kólemíníń 80 paıyzy.
Sonymen qatar Prezıdent kongressmenderge elímízde júrgízílíp jatqan jan-jaqty sayası jáne ekonomıkalyq jańǵyrular jónínde áńgímeledí.
Kongress múshelerí Qazaqstannyń áleuetíne joǵary baǵa beríp, ekí el arasyndaǵy san qyrly baılanystardyń damuyna qoldau kórsetetínderín jetkízdí.
Qasym-Jomart Toqaev oraıly sáttí paıdalanyp, Amerıka parlamentíníń ókílderín ekí eldíń ózara tıímdí yntymaqtastyǵyn keńeıtu maqsatynda Qazaqstanǵa saparlap keluge shaqyrdy.
