Qazaqstanda 6 mausym - Qūrban aıt kúní bolyp bekítíldí. Būl kúní barsha mūsylman jaratushynyń razylyǵy úshín qūrban shalyp, mūqtaj jandarǵa úlestíredí. Qazaqstan mūsylmandary dínı basqarmasy onlaın qūrban shalu múmkíndígín bıyl da ūsynyp otyr. Qasıettí kún aldynda není bílu kerek? Aqshamnews.kz materıalynan bílíńíz.
Onlaın qūrban shaludyń sharıǵattaǵy úkímí qandaı?
Qazaqstanda bıyl da Qūrban aıt kezínde qūrban shaluǵa onlaın tapsyrys beru múmkíndígí bar. Būl turaly Qazaqstan mūsylmandary dínı basqarmasynyń tóraǵasy, Bas múftı Nauryzbaı qajy Taǵanūly arnaıy baspasóz máslıhatynda málímdedí.
"Bıyl da elímízde Qūrban shalu onlaın jáne offlaın formatta ótedí. Dínı basqarma halyqqa qolaıly jaǵdaı jasau maqsatynda qūrban shalu rásímín qashyqtan ótkízuge arnalǵan qurban.muftyat.kz saıtyn íske qosty. Dínímízde qūrbandyq shalu rásímín basqa bíreuge tapsyryp, ony ókíl ete alady. Eger ózí bara almasa, bír kísíge ótínísh jasap, qūrban shaluǵa rūqsat etílgen. Demek, onlaın formatta qūrban shaluǵa tapsyrys bere alasyzdar", – dedí Bas múftı.
Qazaqstanda onlaın qūrban shalu tájírıbesí COVID-19 pandemıyasy kezínde engízíldí. 2020 jyly Qazaqstan mūsylmandary dínı basqarmasy (QMDB) qurban2020.kz saıtyn íske qosyp, mūsylman qauymyna qashyqtan qūrban shaluǵa múmkíndík berdí. Būl joba Túrkıya, Malaızıya, Indonezıya, Bíríkken Arab Ámírlíkterí sıyaqty mūsylman elderíníń tájírıbesíne súıeníp júzege asyryldy .
Qalaı tapsyrys beruge bolady?
Onlaın qūrban shalu úshín azamattarǵa arnaıy qurban.muftyat.kz saıty ashylǵan. Saıttan qarajatyńyzǵa qaraı ūsaq nemese írí qara mal tańdap, bank arqyly tólem jasasańyz jetkílíktí. Qoı men eshkí — jeke adamǵa, al sıyr men túıení — bír adam nemese jetí adamnyń bíríguímen shaluǵa rūqsat.
Tapsyrys sáttí rásímdelgen soń tapsyrys berushíge SMS habarlama jíberíledí. Qūrban shalynǵan soń foto jáne beıneesep ūyaly telefon nómíríne joldanady. Qūrbandyq etí túgeldeı mūqtaj jandarǵa jetkízíledí.
Byltyr 1800 onlaın qūrbandyq tapsyrysy tírkelgen
2024 jyly Qūrban aıttyń alǵashqy kúní Qazaqstan boıynsha 20 myńnan astam mal qūrbandyqqa shalynǵan. Onyń íshínde:
-
qoı – 17 000
-
eshkí – 1600
-
írí qara – 1300
-
túıe – 5
Būl qūrbandyqtardyń 10 paıyzy onlaın túrde, yaǵnı shamamen 1800 tapsyrys qashyqtan júzege asty. QMDB-nyń málímetínshe, byltyrǵy qūrbandyq etí 62 myń otbasyǵa jáne 136 mekemege úlestírílgen.
"Men 10 jyldan berí Almatyda tūramyn. Jyl saıyn qūrbandyq shalatyn kezde auylymyzǵa baryp, mal tańdap, ony soıyp, úlestíretínbíz. Pandemıya kezínde būl múmkíndíkten qaǵyldyq. Sol jyly múftıyat onlaın qūrban shalu múmkíndígín ūsyndy. Sol uaqyttan berí osylaı jyl saıyn onlaın qūrban shaludy paıdalanyp kelemíz. Sharıǵat rūqsat beríp tūrǵandyqtan būl qarastyrylǵan múmkíndík óte qolaıly der edím. Ásírese bíz sekíldí jūmysbasty, qalanyń adamdaryna óte yńǵaıly" deıdí Almaty tūrǵyny Arujan Ustemırova.
Bıyl mal baǵasy qanshadan bolyp jatyr?
Bıyl mal baǵasy byltyrǵymen salystyrǵanda 5-10 myń teńge qymbattaǵan. Máselen Maltabu.kz saıtynda satylyp jatqan mal baǵalary ázírge mynadaı:
-
qoı — 60 000 – 90 000 teńge
-
sıyr — 420 000 – 700 000 teńge
-
túıe — 750 000-nan joǵary
Qūrbandyqqa mal ízdegen jandar úshín saıtta naqty óńírlík baǵalar men optsıyalar kórsetílgen.
