Qala ákímí Erbolat Dosaev «Almaty Su» kommunaldyq kásípornyn damytudyń ózektí máselelerí boıynsha jūmys keńesín ótkízdí, sondaı-aq tūtynushylarǵa qyzmet kórsetu ortalyǵy men ortalyq dıspetcherlík qyzmettíń jūmysymen tanysty, dep habarlaıdy Almaty-akshamy.kz.
Qala basshysy qysqa merzímde ınjenerlík jelíler men jabdyqtardyń tozu deńgeıín tómendetu qajettígíne erekshe nazar audardy. Qaladaǵy negízgí magıstraldyq su qūbyrlary, kollektorlar, su daıyndau stantsıyalary jáne káríz tazartu qondyrǵylary 60-70 jyldary salynǵan. Máselen, búgínde Almatyda su qūbyry jelíleríníń tozuy 55,8%, káríz jelílerínkí - 57,5%, qūbyrlardyń bír bólígíníń tozu dárejesí 100%-dy qūraıdy.
«Almaty Su» MKK basshylyǵy qala ákímíne qalalyq su qūbyry-káríz sharuashylyǵynyń aǵymdaǵy jaǵdaıy jáne jūmystyń aralyq qorytyndylary turaly habardar ettí, sondaı-aq jańǵyrtuǵa, tūtynushylardy sapaly qyzmettermen úzdíksíz qamtamasyz etuge, bıznes-protsesterdí jaqsartuǵa jáne óndírístí avtomattandyruǵa basty nazar audarylǵan damu josparyn tanystyrdy.
Tozudy azaıtu jáne apatty jaǵdaılardyń aldyn alu úshín jyl saıyn kemínde 104 km su qūbyrlaryn, 73 km káríz jelílerín auystyru qajet, sondaı-aq dıametrí 900 mm jáne odan joǵary írí su qūbyrlary men káríz kollektorlaryn qaıta jańartu kerek. Būl rette qoldanystaǵy ınvestıtsıyalyq baǵdarlama jyl saıyn tek 20-24 km tozǵan qūbyrlardy auystyrudy qamtamasyz etedí.
Mūnyń sebebí tómen/teńgerímsíz tarıf bolyp tabylady: eger búkíl álemde jelílerdíń jaǵdaıyn retteudí qoldau jáne jóndeu qory tarıf belgíleu jáne qyzmetterdí paıdalanushylardan túsetín túsímder esebínen jabylsa, onda «Almaty Su» MKK jaǵdaıynda negízgí ınvestor memleket bolyp tabylady (Almatydaǵy tarıf deńgeıí el boıynsha eń tómen deńgeıdíń bírí jáne 8 jyldan astam uaqyt boıy ózgermegen – 1 000 lıtrge 48 teńge).
Keńes barysynda sumen jabdyqtau jáne káríz júıesín jańǵyrtu máselesí talqylandy, íske asyru merzímderí aıtyldy – qalalyq baǵdarlama ayasynda 2025 jylǵa deıín (40,9 mlrd teńge) negízgí magıstraldyq su qūbyrlary men káríz kollektorlaryn qaıta jańartuǵa basa nazar audaru qajettígí josparlanuda. Talǵar jer asty su kózderínen su jetkízu júıesín jańǵyrtu, Qarǵaly su daıyndau stantsıyasyn paıdalanuǵa beru kózdelgen.
2030 jylǵa deıín megapolıs tūrǵyndarynyń 95%-yn ortalyqtandyrylǵan su būrumen qamtuǵa múmkíndík beretín káríz-sorǵy stantsıyalarynyń jelísín bír mezgílde keńeıtíp jáne jóndep, qala syrtyndaǵy kollektordy (14 km-den úsh jíp) rekonstruktsıyalau, Batys kollektoryn saluǵa kírísu qarastyrylǵan. Sondaı-aq kommunaldyq obektílerdí rekonstruktsıyalau jáne tehnologıyalyq jabdyqty auystyru jūmystary jalǵastyrylatyn bolady.
Infraqūrylymdy modernızatsıyalaudan basqa, kásíporynnyń damu jospary su shyǵynyn azaıtu maqsatynda kezeń-kezeńmen tsıfrlandyru jobasyn qamtıdy. Kommunaldyq qyzmetkerlerdíń málímetínshe, Almatyda jyl saıyn qalanyń ūlǵayuyna baılanysty sudy tūtynu ósude (5 jylda 25 myń tekshe metr). Būl óz kezegínde tıístí ınfraqūrylym men qyzmet kórsetudí (8 jyl íshínde kásíporynnyń ınjenerlík jelíleríníń ūzyndyǵy 18,5%-ǵa óstí) qajet etedí.
Kezdesu qorytyndysy boıynsha qala ákímí «Almaty Su» MKK basshylyǵyna qysqa merzímde ınjenerlík jelílerdíń tozuyn azaıtu jáne kórsetíletín qyzmetterdíń sapasyn arttyru úshín jańa tarıftík sayasatty engízu jónínde ūsynystar berudí tapsyrdy.
Megapolıs basshysy energetıka jáne kommunaldyq kásíporyn basqarmasynyń aldynda beríletín sudyń shyǵynyn azaıtu, tūtynudy fıskalızatsıyalau jáne ınfraqūrylymdy jańǵyrtu jobalaryn íske asyru, onyń íshínde Tsıfrlyq su arnasy jobasyn engízu míndetí tūrǵanyn atap óttí.