Halyqtyń 16 paıyzǵa juyǵy jeke qaıyrymdylyqpen aınalysatyndarǵa sením bíldírgen, dep habarlaıdy aqshamnews.kz
El azamattarynyń shamamen 25%-y qaıyrymdylyq qorlaryna múlde senbeıtínín aıtqan.
QQDI Áleumettanulyq zertteuler ortalyǵynyń sarapshysy Gúlsaıran Nūrtaıdyń aıtuynsha, būl shartty túrde ár tórtínshí adamǵa sáıkes keledí.
«Qyzyǵy, qaıyrymdylyq qorlaryna shúbásíz senetínder úlesí de osy shamada – 26,4%. Al respondentterdíń 45%-dan astamy qaıyrymdylyq qorlaryna íshínara senedí, atap aıtsaq, olardyń 29,6%-y tek keıbír qaıyrymdylyq qorlaryna sením bíldírse, 15,8%-y qorlarǵa emes, qaıyrymdylyqpen jeke aınalysatyndarǵa senetínín aıtqan», – dedí sarapshy.
Sondaı-aq jıynda qazaqstandyqtardyń sanaly ata-ana boludy qalaı túsínetíní turaly aıtyldy.
«Zertteuge súıensek, respondentterdíń 61,4%-y ata-ana rólín ómíríndegí eń basty qūndylyq dep baǵalasa, 29,2%-y asa mańyzdy aspektílerdíń bírí dep sanaıdy. Odan bólek, balalar otbasynyń basty qūndylyqtary arasynda úshínshí orynda (38,7%) tūr», - deıdí QQDI Otbasy jáne genderlík sayasat salasyndaǵy zertteuler ortalyǵynyń basshysy Aqnūr Imanqūl.
Mamannyń sózínshe, Qazaqstan qoǵamynda ata-ana boludyń mártebesí joǵary.
Aıta ketsek, 2021 jyly qūrylǵan eksperttík klub 62 talqylau otyrysyn ótkízíp, oǵan 2500-den astam azamat qatysqan.