Almatynyń Túrksíb audanynda «Halyq qatysatyn byudjet» baǵdarlamasy ayasynda jańa qoǵamdyq keńístík paıdalanuǵa beríldí. Jahanger kóshesíndegí №14 úıdíń aulasynda jalpy qūny 63 mıllıon teńge bolatyn keshendí kórkeıtu jūmystary ayaqtaldy. Nysan búgín Túrksíb audany ákímdígí men Almaty qalasynyń Óńírlík kommunıkatsıyalar qyzmetí ūıymdastyrǵan baspasóz turynda jurnalısterge tanystyryldy.
Kóríktendíru barysynda aumaq tolyqtaı jańartyldy. Jer telímí tegístelíp, syrtqy jaryqtandyru ornatyldy, kespetas pen asfaltbeton tóseldí. Sonymen qatar shaǵyn sáulet nysandary, oryndyqtar, qoqys jáshíkterí, pergola, jańa tennıs ústelí men qorshaular qoıylyp, jasyl jelek sanıtarlyq maqsatta kesíldí.
Jergílíktí tūrǵyndardyń aıtuynsha, jańartylǵan aula búgínde barlyq jastaǵy tūrǵyndardyń súıíktí demalys ornyna aınalǵan.
«Keshkísín osynda jınalamyz. Ájeler de, jas analar da balalarymen, jaqyndarymen keledí. Shynymdy aıtsam, ózímízdí qalanyń dál ortalyǵynda tūrǵandaı sezínemíz, típtí odan da jaqsy. Naǵyz sayabaqta otyrǵandaı demalamyz. Men ǵana emes, kóshemízdíń barlyq tūrǵyny būl ózgerísterge dán rıza», – deıdí Túrksíb audanynyń tūrǵyny Sara Mutalhanova.
Túrksíb audanynyń ákímí Damır Ákejanovtyń aıtuynsha, kórkeıtu jūmystary tūrǵyndardyń ūsynys-píkírí eskeríle otyryp júrgízílgen.
«Būryn būl jerde mūndaı zamanauı alań bolmaǵan. Eskí tennıs ústelí ábden tozyp, auystyrudy qajet etetín. Qazír jańasy ornatyldy. Tūrǵyndar óte rıza», – dedí audan ákímí.
Onyń aıtuynsha, jańa qoǵamdyq keńístík búgínde tūrǵyndar úshín sūranysqa ıe demalys ornyna aınaldy.
«Keshkí uaqytta mūnda balalar oınaıdy, eresekter ústel tennısín oınaıdy. Alań únemí paıdalanylyp keledí. Bízdíń maqsatymyz da – aulany tūrǵyndarǵa jaıly keńístíkke aınaldyru edí», – dep tolyqtyrdy Damır Ákejanov.
Qazírgí uaqytta nysandaǵy barlyq qūrylys-montaj jūmystary tolyq ayaqtalǵan. Jańa demalys aımaǵy tūrǵyndar úshín ashyq jáne kún saıyn seruendeuge, demaluǵa, aralasuǵa árí belsendí uaqyt ótkízuge paıdalanylyp keledí.