Almaty qalasynyń Óńírlík kommunıkatsıyalar qyzmetí būqaralyq aqparat qūraldary ókílderín ınfraqūrylymdyq jobalardyń íske asyrylu barysymen, kóríktendíru jūmystary jáne qalalyq ortany damytu baǵytyndaǵy jūmystarmen tanystyruǵa arnalǵan audan ákímderíníń qatysuymen ótetín kóshpelí baspasóz turlaryn jalǵastyryp keledí.
Búgín BAQ ókílderí Almatynyń Túrksíb audanyna baryp, aumaqty keshendí damytu ayasynda júzege asyrylyp jatqan negízgí jobalarmen tanysty. Baspasóz turyna Túrksíb audanynyń ákímí Damır Ákejanov qatysyp, jurnalısterge atqarylǵan jūmystardyń nátıjesí, audandy damytudyń basym baǵyttary jáne bıylǵy josparlar turaly aıtty.
Baspasóz turynyń negízgí nysandarynyń bírí Sholohov kóshesí men Seıfullın dańǵylynyń qıylysynda ornalasqan Sáken Seıfullın atyndaǵy skver boldy. Būqaralyq aqparat qūraldarynyń ókílderíne demeushílerdíń qarajatymen júzege asyrylǵan qoǵamdyq keńístíktí auqymdy kóríktendíru jūmystarynyń nátıjesí tanystyryldy.
«Sáken Seıfullın atyndaǵy skver – Túrksíb audanyndaǵy mańyzdy qoǵamdyq keńístíkterdíń bírí. Bıyl mūnda aumaǵy 1,7 gektardy qamtıtyn keń kólemdí kógaldandyru jáne kóríktendíru jūmystary júrgízíldí. Atqarylǵan jūmystardyń nátıjesínde skverdíń kelbetí aıtarlyqtaı jańaryp, tūrǵyndardyń seruendeuí men demaluyna qolaıly árí tartymdy orynǵa aınaldy. Aldaǵy uaqytta da audannyń qoǵamdyq keńístíkterín kútíp ūstau men damytuǵa erekshe kóńíl bólíp, qala tūrǵyndary úshín jaıly árí zamanauı qalalyq orta qalyptastyru jūmystaryn jalǵastyramyz», – dedí Almaty qalasy Túrksíb audanynyń ákímí Damır Ákejanov.
Jurnalısterge skverdí kórkeıtu jáne gúlmen kógaldandyru jūmystary bıylǵy mamyr aıynda bastalyp, belgílengen merzímde ayaqtalǵany aıtyldy. Qoǵamdyq keńístíktíń jalpy aumaǵy 1,7 gektar bolady. Onyń íshínde gúlmen kómkerílgen alqaptyń kólemí 3,2 myń sharshy metrge jettí.
Baspasóz tury barysynda BAQ ókílderí audannyń eń kóríktí gúlzarlarynyń bíríne aınalǵan skverdíń jańarǵan kelbetín tamashalady. Mūnda barqytgúl, salvıya, tselozıya, shyraıgúl, qaztamaq jáne úlpek sıyaqty túrlí gúlderdíń shamamen 150 myń túbí egílgen. Sonymen qatar qoǵamdyq keńístíktíń jasyl qory tobylǵy, astılba, sálben, bódeneshóp jáne nıvyanık sekíldí kópjyldyq sándík ósímdíkter men būtalarmen tolyqtyryldy.
Baspasóz turyna qatysushylarǵa kógaldandyru jūmystary, ósímdíkterdí íríkteu erekshelíkterí jáne aumaqty kútíp ūstau sharalary turaly jan-jaqty aqparat beríldí. Qazírgí uaqytta merdíger ūıym jasyl jelekterge keshendí kútím jasauda. Onyń ayasynda tūraqty suaru, aramshóptí jūlu, topyraqty qopsytu, tyńaıtqysh engízu, aumaqty sanıtarlyq tazalau jáne qajet bolǵan jaǵdaıda ósímdíkterdí auystyru jūmystary júrgízílude.
Almaty qalasynyń Óńírlík kommunıkatsıyalar qyzmetí ūıymdastyratyn kóshpelí baspasóz turlary būqaralyq aqparat qūraldary ókílderíne aqparatty alǵashqy derekkózden aluǵa, atqarylyp jatqan jūmystardyń nátıjesín obektıvtí baǵalauǵa jáne megapolıs tūrǵyndaryn qalalyq ınfraqūrylymdy damytu baǵytynda júzege asyrylyp jatqan jobalarmen tanystyruǵa múmkíndík beredí.