Qazaqstanda mektep dırektorlarynyń bírneshe jyl boıy bír orynda qyzmet etu júıesí joıylady. Oqu-aǵartu mınıstrí Jūldyz Súleımenova bílím beru salasyndaǵy basshylarǵa qatysty jańa talaptar engízíletínín málímdedí, – dep habarlaıdy aqshamnews.kz tílshísí.
Mınıstrdíń aıtuynsha, qazírgí tańda bílím beru mekemeleríndegí basqaru qaǵıdattary túbegeılí ózgeruí tıís. Būdan bylaı dırektorlyq qyzmet zeınetke shyqqansha ıelenetín oryn bolmaıdy.
Jańa joba ayasynda dırektorlardyń rotatsıyasy kelesí qūrylym boıynsha júzege asyrylmaq:
Qalalyq mektepter úshín: «2+2» qūrylymy (ekí jyldan keıín jūmys nátıjesí tekserílíp, taǵy ekí jylǵa ūzartyluy múmkín);
Auyldyq mektepter úshín: «3+3» qūrylymy júzege aspaq.
Būl qadam daryndy, jas árí kreatıvtí pedagogtardyń basqaru tízgínín ūstauyna jol ashpaq.
«Bízde dırektor bolǵysy keletín bílíktí, shyǵarmashyl mūǵalímder bar. Solardyń íshínen myqty menedjerlerdí anyqtaıtyn júıe qūruymyz kerek», — dedí mınıstr Jūldyz Súleımenova «24KZ» arnasyna bergen sūhbatynda.
Qazírgí tańda būl másele arnaıy jūmys tobynyń ayasynda jan-jaqty zerdeleníp jatyr. Mektep basshylaryn rotatsıyalau turaly būıryqtyń túpkílíktí nūsqasy jańa oqu jyly bastalǵanǵa deıín qabyldanady dep kútílude.
