Almatyda bıznes qauymdastyǵynyń ókílderí qala tūrǵyndaryna aldaǵy jalpyūlttyq referendumǵa qatysuǵa shaqyryp, úndeu jasady. Olardyń aıtuynsha, mūndaı mańyzdy oqıǵaǵa qatysu — ár azamattyń eldíń bolashaǵyna úles qosuyna múmkíndík beredí, – dep habarlaıdy aqshamnews.kz tílshísí.
Qazaqstandyqtarǵa jasalǵan úndeudí qoldaǵandar qatarynda Armanjan Baıtasov, Beıbít Álíbekov, Maqsat Qıqymov, Raushan Áubákírkyzy, Erlan Jaılaubaı men Gúlnara Bıjanova sıyaqty tanymal bıznes pen qoǵam qaıratkerlerí bar.
Olar belsendí azamattyq ūstanym memleket damuy úshín mańyzdy ról atqaratynyn atap óttí. Kásípkerlerdíń píkírínshe, referendum — qoǵamǵa eldíń bolashaq baǵytyn aıqyndaıtyn sheshímderdí qabyldauǵa múmkíndík beretín demokratıyanyń mańyzdy qūraly.
Bıznes ókílderí Qazaqstannyń ekonomıkalyq damuy, tūraqtylyǵy men ál-auqaty kóp jaǵdaıda azamattardyń qoǵamdyq úderísterge belsene atsalysqanyna baılanysty ekenín aıtty.
Sondyqtan olar almatylyqtardy jauapkershílík tanytyp, saılau uchaskesíne keluge shaqyrdy.
«Bízdíń tańdauymyz eldíń, balalarymyz ben keler ūrpaqtyń bolashaǵyn aıqyndaıdy», — dep atap óttí bıznes qauymdastyǵynyń ókílderí.
Sóz sońynda olar Almaty tūrǵyndary osy joly belsendí bolyp, mańyzdy oqıǵadan syrt qalmaıtynyna sením bíldírdí.
