"Qaırat" fýtbolshylary Danıaǵa attandy. "Kopengagen" – "Qaırat" kezdesýi 26 qarashada Astana ýaqytymen 22:45-te "Parken" stadıonynda ótedi, - dep habarlaıdy aqshamnews.kz tilshisi 1bol.kz-ke silteme jasap.
Almatynyń "Qaırat" fýtbol klýbynyń oıynshylary ÝEFA Chempıondar lıgasynyń kelesi machi úshin Danıaǵa jol tartty.
Komandanyń áýejaıǵa kelgen sátinen túsirilgen vıdeony klýbtyń baspasóz qyzmeti jarıalady. Chempıondar Lıgasynyń 5-týr aıasyndaǵy "Kopengagen" – "Qaırat" kezdesýi 26 qarasha kúni, Astana ýaqytymen 22:45-te "Parken" stadıonynda ótedi.
Týrnırdiń bul kezeńinde eki komanda da áli jeńis toılaǵan joq. Eki klýbtyń da jınaǵany – 1 upaı. Týrnırlik kestede "Kopengagen" 33-orynda bolsa, "Qaırat" 34-orynda tur.
Klýbtyń Chempıondar lıgasyndaǵy qalǵan machteri:
- 26 qarasha: "Kopengagen" – "Qaırat" (22:45)
- 9 jeltoqsan: "Qaırat" – "Olımpıakos" (20:30)
- 20 qańtar: "Qaırat" – "Brúgge" (20:30)
- 29 qańtar: "Arsenal" – "Qaırat" (01:00)
Jarıalanǵan vıdeodan komandanyń barlyq kóshbasshyynyń, sonyń ishinde klýbtyń basty juldyzy Dastan Sátpaevtyń sapqa qosylǵany baıqalady.
Danıaǵa sapar "Qaırat" úshin ońaı bolmaıdy: Almaty men Kopengagenniń araqashyqtyǵy - 6422 shaqyrym.
Chempıondar Lıgasynyń "Kopengagen" – "Qaırat" machi 26 qarashada, Astana ýaqytymen 22:45-te bastalady.