Boran men kóktaıǵaq saldarynan Astanadan shyǵatyn joldar jabylyp, respýblıkalyq mańyzy bar birqatar avtojol ýchaskelerinde júk kólikteri men qoǵamdyq kólik qozǵalysyna shekteý qoıyldy, - dep habarlaıdy aqshamnews.kz tilshisi "QazAvtoJolǵa" silteme jasap.
Qozǵalys shektelgen ýchaskeler:
Aqmola oblysynda:
- Astana - Kókshetaý - Petropavl avtojolynyń 18-232 shaqyrym aralyǵy (Astanadan Shýchınskige deıin);
- Astana - Shiderti - Pavlodar - Ýspenka - RF shekarasy avtojolynyń 16-200 shaqyrym aralyǵy (Astanadan Pavlodar oblysynyń shekarasyna deıin).
Pavlodar oblysynda:
- Astana - Shiderti - Pavlodar - Ýspenka - RF shekarasy avtojolynyń 200-254 shaqyrym aralyǵy (Aqmola oblysynyń shekarasynan Shiderti kentine deıin).
Jol shamamen 25 jeltoqsanda saǵat 09:00 ashylady.