Dúnıejúzílík banktíń málímetínshe, tsıfrlyq ekonomıkanyń álemdík ÍJÓ-degí úlesí 15 paıyzdan asqan, – dep habarlaıdy aqshamnews.kz tílshísí.
Būl jahandyq básekeníń tauar naryǵynan derekqor men standarttar naryǵyna qaraı oıysqanyn anyq kórsetedí.
– Búgíngí ózgerísterdíń áserín elímíz álí tolyq sezíne qoıǵan joq. Ótken aıda Qazaqstan bíryńǵaı kedendík rásímdeu platformasyna óttí. Endí deklaratsıya toltyru uaqyty bír mınuttan aspaıdy, qūjattardyń basym bólígí avtomatty túrde qaralady. Sonymen qatar Smart Cargo ūlttyq logıstıka platformasy jasalyp jatyr. Ol 127 derek kózíne tíkeleı qosylady. Tūǵyrnama adal jūmys ísteıtín kompanıyalarǵa shekaradan tez arada ótuge múmkíndík beredí. Salyq salasynda da túbegeılí ózgeríster oryn aldy. Salyqtyq ákímshílendírudíń bírtūtas júıesí qūjattardy óńdeu uaqytyn bír saǵattan bír mınutqa deıín qysqartyp, ekí mıllıon salyq tóleushíníń servıstí paıdalanuyn jeńíldettí. Smart Data Finance platformasynyń íske qosyluy – eleulí jetístíkterdíń bírí. Júıe mobıldí audarymdardan bastap ūshaqpen saparlauǵa deıíngí áreketterdíń bárín qamtıtyn 78 derekkózden analıtıkalyq málímet jınaıdy. Byudjetke onlaın-monıtorıng jasau júzdegen mıllıard teńge táuekelí bar tólemderdíń aldyn alady. Ūlttyq tauarlar katalogyna 23 mıllıonnan astam óním túrí engízíldí. Osy arqyly memlekettík satyp alulardyń boljamdyq-taldamalyq modelí jasalyp, jyl saıyn 200 mıllıard teńgeden astam qarjyny únemdeuge bolady, – dedí Memleket basshysy.