Memleket basshysy, Joǵarǵy bas qolbasshy Qasym-Jomart Toqaev Qorǵanys mınıstrí Dáuren Qosanovty qabyldady,- dep habarlaıdy Aqshamnews.kz tílshísí Aqordaǵa sílteme jasap.
Kezdesude mınıstr 2025 jyldyń alǵashqy jartyjyldyǵyndaǵy Qaruly kúshterdíń atqarǵan jūmysy turaly esep berdí. Prezıdentke armıyanyń jauyngerlík daıyndyǵy, kóktemgí shaqyru nauqanynyń qorytyndylary, áskerı-patrıottyq tárbıe men áskerı qyzmetshílerdí áleumettík qoldau sharalary jónínde bayandaldy.
Sondaı-aq, Qosanov prezıdent tapsyrmalarynyń oryndalu barysyn tanystyryp, áskerdíń ūtqyrlyǵyn arttyru, áue shabuylyna qarsy qorǵanysty kúsheıtu, ūshqyshsyz ūshatyn apparattar men ınfraqūrylymdy damytu boıynsha málímet berdí.
Prezıdent Qasym-Jomart Toqaev mınıstrge áskerı áleuettí nyǵaıtuǵa qatysty bírqatar tapsyrma beríp, áskerı qyzmetshílerdíń qauípsízdígín qamtamasyz etu men jaraqattanu, jazym bolu oqıǵalaryn boldyrmau úshín keshendí sharalar qabyldaudyń mańyzdylyǵyn atap óttí.