Qazaqstan Prezıdenti Qasym-Jomart Toqaev Máskeý memlekettik halyqaralyq qatynastar ınstıtýtynyń (MMHQI) rektory Anatolıı Torkýnovty qabyldady, dep habarlaıdy Aqshamnews.kz tilshisi Aqordaǵa silteme jasap.
Memleket basshysy MMHQI-diń halyqaralyq qatynastar salasy boıynsha bilikti mamandardy daıarlaýdaǵy bedelin joǵary baǵalaıtynyn jetkizdi.
"Qasym-Jomart Toqaev L.N.Gýmılev atyndaǵy Eýrazıa ulttyq ýnıversıtetiniń bazasynda MMHQI fılıalynyń ashylýyn quptady. Qazir munda 100 stýdent bilim alýda. Kezdesý sońynda Memleket basshysy Qazaqstan men Reseı akademıalyq qaýymdastyqtarynyń nátıjeli yqpaldastyqqa umtylysy eki el arasyndaǵy qarym-qatynasty odan ári nyǵaıtýǵa yqpal etetinine senim bildirdi", - delingen habarlamada.