Jańa formany alǵashqy kıetínder – patrulder men uchaskelík ınspektorlar.
QR Íshkí íster mınıstrí Erlan Tūrǵymbaev 2022 jyldyń 1 qańtarynan bastap polıtseılerdíń jańa forma kıetínín aıtty, dep habarlaıdy Almaty-akshamy.kz Almaty.tv arnasyna sílteme jasap.
«Bíz formany bıyl kúzde bekíttík. Árıne, olar bír kúnde tígílmeıdí, sondyqtan bíz konkurstyq qūjattamaǵa sáıkes memlekettík satyp alular arqyly 2022 jyldyń 1 qańtaryna deıín tígílíp, daıyn bolady dep boljaımyz. Sol kúnnen bastap kóptegen óńírlerde patruldík qyzmetkerler jańa formada jūmysqa kírísedí», – dedí Tūrǵymbaev.
Onyń aıtuynsha, jańa formamen bírínshí kezekte patruldík polıtsıya qyzmetkerlerí men uchaskelík ınspektorlar qamtamasyz etíledí.
«Qosymsha qarajat talap etpeımíz. Eskí forma álí bar, jańa forma bírte-bírte bólínedí. Ekí jyldyń íshínde bíz búkíl Íshkí íster mınıstrlígíníń formasyn ózgertemíz», – dedí mınıstr.