Almatyda Qazaqstan Respublıkasynyń Būqaralyq aqparat qūraldary qyzmetkerlerí kúníne oraı būqaralyq aqparat qūraldary ókílderín saltanatty túrde marapattau rásímí óttí, – dep habarlaıdy aqshamnews.kz tílshísí.
Dostyq úıínde ótken ís-sharaǵa jurnalıster, redaktorlar, blogerler, memlekettík organdardyń baspasóz hatshylary men medıa qauymdastyq ókílderí kelíp qatysty.
Marapattau rásímíne Almaty qalasy ákímdígíníń Íshkí sayasat basqarmasy basshysynyń orynbasary Dastan Sherehan qatysty.
Ol osy saladaǵylardy kásíbı merekesímen qūttyqtap, jurnalısterdíń qoǵamnyń damuyna, azamattyq dıalogty nyǵaıtyp, memlekettík ınstıtuttardyń ashyqtyǵyn qamtamasyz etuge qosqan úlesín atap óttí.
«Jurnalıster memleket pen qoǵam arasyndaǵy mańyzdy baılanystyrushy buyn. Sízderdíń kásíbılíkteríńíz, obektıvtílíkteríńíz ben jauapkershílíkteríńízdíń arqasynda azamattar bolyp jatqan oqıǵa men júzege asyp jatqan reforma turaly uaqtyly árí shynaıy aqparat alady. Qazír «Zań men tártíp qaǵıdatynyń mańyzy artyp otyr. Olar eldegí tūraqtylyqtyń, ádíldík pen odan árí damudyń negízí sanalady», — dedí ol.
Sondaı-aq ol halyqtyń ómír súru sapasyn arttyruǵa baǵyttalǵan memlekettík bastamalar men reformalardy túsíndíru jūmysynyń mańyzdylyǵyna da toqtalyp óttí.
Ís-shara barysynda Almatynyń Óńírlík kommunıkatsıyalar qyzmetí ūıymdastyrǵan qalalyq jáne respublıkalyq BAQ arasyndaǵy jyl saıyn ótetín baıqaudyń qorytyndysy shyqty. Bıyl baıqauǵa 128 ótínísh tústí. Qazylar alqasy jeńímpazdardy anyqtap, aqshalaı sertıfıkat tabys ettí.
Baıqaudyń qazylar alqasynyń tóraǵasy, Qazaqstannyń eńbek síńírgen qaıratkerí Saǵymbaı Qozybaev ūsynylǵan materıaldardyń joǵary deńgeıín, shyǵarmashylyq tásílderdíń aluan túrlílígín jáne otandyq jurnalısterdíń kásíbı sheberlígíníń artyp kele jatqanyn atap óttí.
Baıqaudyń jeńímpazdary:
«Almatynyń mádenı ómírí turaly úzdík materıal» nomınatsıyasy boıynsha — Indıra Bírjansal («Qazaq» gazetí);
«Almaty turaly úzdík taqyryptyq baǵdarlama» — «Arhıtektor» baǵdarlamasy («Almaty» telearnasy);
«Jasandy ıntellekttí paıdalana otyryp jasalǵan Almaty turaly úzdík joba» — Arshyn Kemeljan («Habar» telearnasy);
«Almatyda júzege asyrylyp jatqan reformalar turaly úzdík materıal» — Yulıya Abramova (NUR.kz aqparat agenttígí);
«Taza Qazaqstan» — ekologıya jáne qorshaǵan ortany qorǵau taqyrybyndaǵy úzdík materıal — Janar Qanafına («Eurazıya» bírínshí arnasy);
«Almaty jastary turaly úzdík materıal» — Aqtoty Jūmabek (KTK telearnasy);
«Almatydaǵy turızmdí damytu turaly úzdík materıal» — Ánuar Amangeldınov (31 arna);
«Almaty qalasy audandarynyń tynys-tírshílígí turaly úzdík reportaj» — Oljas Omarbek («Almaty» telearnasy);
«Almatydaǵy kásípkerlík pen bıznestí damytu turaly úzdík materıal» — Rysaldın Bahamov («Vechernıı Almaty» gazetí);
«Almaty qalasy turaly úzdík longrıd» — Kırıll Harlamov («MIR» telearnasy);
«Jurnalıstıkadaǵy nemese blogıngtegí úzdík debyut» — Ilya Roldugın (CentralMedia24 aqparat agenttígí);
«Almaty turaly úzdík áleumettík beıne-kontent» — Meruert Tólenova («Almaty» telearnasy);
«Qala tūrǵyndarynyń densaulyǵy men ál-auqaty turaly úzdík materıal» — Aıgerím Esímhan («Alatau» telearnasy);
«Almatydaǵy bílím beru salasyn damytu turaly úzdík materıal» — Alyona Kovalyova («Eurazıya» bírínshí arnasy);
«Almaty qalasy turaly úzdík fotojoba» — Tımur Batyrshın (Informburo.kz aqparat agenttígí).
Memlekettík qūrylymdar men qoǵam arasyndaǵy ashyq dıalogty damytuǵa eleulí úles qosyp júrgen memlekettík organdardyń baspasóz hatshylary da eskerusíz qalǵan joq. Olardyń qatarynda Almaty qalalyq Polıtsıya departamentíníń resmı ókílí Saltanat Ázírbek, Almaty qalasy Tótenshe jaǵdaılar departamentíníń baspasóz hatshysy Gúldana Nūrymbetova, Almaty qalasy boıynsha Memlekettík kíríster departamentíníń baspasóz hatshysy Aıjan Bekeeva men basqa da baspasóz qyzmetíníń ókílderí bar.
Saltanatty rásímníń sońynda ūıymdastyrushylar kásíbılígí, obektıvtílígí men óz ísíne adaldyǵy úshín jurnalıster qauymdastyǵyna alǵys bíldíríp, sapaly jurnalıstıkanyń qazírgí qoǵamdaǵy mańyzdy ınstıtuttardyń bírí bolyp qala beretínín atap óttí.