«Qaladaǵy zań» qūqyqtyq kvest-marafony óttí, – dep habarlaıdy aqshamnews.kz tílshísí.
«Zań men Tártíp» áleumettík jobasyn íske asyru ayasynda Almaty qalasy Íshkí sayasat basqarmasynyń Qoǵamdyq damu ortalyǵy Saıran kólí aumaǵynda D.A. Qonaev atyndaǵy unıversıtetíníń «Zańgerler Alyansy» komandasynyń qatysuymen «Qaladaǵy zań» qūqyqtyq kvest-marafonynyń besínshí oıynyn ótkízdí.
Ís-shara barysynda unıversıtet komandasy qūqyqtyq sauattylyqty arttyruǵa, azamattyq jauapkershílíktí nyǵaıtuǵa jáne komandalyq ózara ís-qımyl daǵdylaryn damytuǵa baǵyttalǵan bírqatar praktıkalyq tapsyrmalardy oryndady. Qatysushylar qūqyqtyq keısterdí sheshíp, qoǵamdyq qauípsízdík salasyndaǵy bílímderín kórsettí jáne taqyryptyq komandalyq synaqtardan óttí.
Kvest-marafon formaty jastarǵa óz bílímderín jańǵyrtyp qana qoımaı, olardy naqty ómírlík jaǵdaılarda tájírıbe júzínde qoldanuǵa múmkíndík beredí.
Osyndaı ís-sharalar jastardyń qūqyqtyq mádenıetín arttyruǵa, óz qūqyqtary men míndetterín tereńírek túsínuíne, sondaı-aq qabyldanatyn sheshímder men jasalatyn áreketter úshín jauapkershílík sezímín qalyptastyruǵa yqpal etedí.
Kvest-marafonnyń ótu barysy men kelesí kezeńderí turaly aqparatty @qdo.almaty jáne @zan_men_tartip_almaty resmı paraqshalarynan qadaǵalaı alasyzdar.