Ortalyqtyń 2026 jylǵy 25 mausymdaǵy málímetínshe, ŪBT sertıfıkatyn qoldan jasau múmkín emes, – dep habarlaıdy aqshamnews.kz tílshísí.
"Árbír sertıfıkatta onyń túpnūsqalyǵyn bírden tekseruge múmkíndík beretín bíregeı QR-kod bar. Sonymen qatar ŪBT sertıfıkaty resmı qūjat bolyp sanalady jáne ony qoldan jasau Qazaqstan Respublıkasy Qylmystyq kodeksíníń 385-babyna sáıkes qylmystyq jauapkershílíkke ákep soǵady", – dep málímdedí Ūlttyq testíleu ortalyǵy.
Vedomstvo ókílderí sertıfıkatty qoldan jasauǵa qatysty barlyq áreket qūqyq qorǵau organdaryna joldanyp, zań ayasynda tıístí sharalar qabyldanatynyn atap óttí.
Sondaı-aq talapkerler men olardyń ata-analaryna ŪBT sertıfıkatyn app.testcenter.kz saıtyndaǵy jeke kabınetten, certificate.testcenter.kz portalynan jáne eGov elektrondyq úkímetí arqyly aluǵa bolatyny eske salyndy.
Būdan bólek, Ūlttyq testíleu ortalyǵy emtıhan kezínde mıkroqūlaqqaptar, jasyryn kameralar jáne aqparatty jasyryn túrde aluǵa arnalǵan ózge de arnaıy tehnıkalyq qūraldardy paıdalanudyń zań aldynda jauapkershílíkke ákeluí múmkín ekenín eskerttí.
"Qūrmettí talapkerler! Zańdy būzuǵa baǵyttalǵan kez kelgen áreketten bas tartuǵa shaqyramyz. Adal eńbek pen ádíldík sízderdí áldeqaıda úlken jetístíkke jetkízetíníne senímdímíz", – delíngen ortalyqtyń úndeuínde.