27 mausymda Almaty onkologıyalyq ortalyǵynda quyq asty bezí qaterlí ísígí turaly habardarlyqty arttyruǵa arnalǵan ashyq esík kúní ótedí, – dep habarlaıdy aqshamnews.kz tílshísí.
Ís-shara saǵat 9:00-den 13:00-ge deıín onkologtardyń qatysuymen ótedí.
Ís-shara ayasynda qala tūrǵyndary mamandardan tegín keńes ala alady, sondaı-aq medıtsınalyq kórsetílímder boıynsha quyq asty bezíníń ultradybystyq zertteuínen (UDZ) óte alady.
Quyq asty bezíníń qaterlí ísígí erlerde eń kóp taralǵan onkologıyalyq aurulardyń bírí bolyp tabylady. Dárígerler aurudyń alǵashqy satylarynda kóbínese sımptomsyz bolatynyn, sondyqtan ony erte anyqtauda únemí skrınıngtík tekseruler mańyzdy ról atqaratynyn atap ótedí.
Sarapshylar auru neǵūrlym erte anyqtalsa, ony emdeu soǵūrlym ońaı bolatynyn jáne tolyq sauyǵyp ketu jáne ómír súru sapasyn saqtau múmkíndígí soǵūrlym joǵary bolatynyn atap ótedí.
Almaty onkologıya ortalyǵy er adamdardy, ásírese 50 jastan asqan jáne qauíp tobyndaǵy adamdardy skrınıngten ótu jáne maman keńesín alu múmkíndígín paıdalanuǵa shaqyrady.
Ótkízíletín orny: Almaty qalasy, Papanın kóshesí, 220, A ǵımaraty, Almaty onkologıyalyq ortalyǵy, 1-qabat.
Ótkízu uaqyty: 27 mausym, saǵat 09:00-den 13: 00-ge deıín.