Almaty qalalyq balalardy ońaltu ortalyǵynda júrek tebírenterlík erekshe sát óttí, – dep habarlaıdy aqshamnews.kz tílshísí.
Kíshkentaı ǵana Tamırıs pen Rufınanyń tūsauy kesíldí. Rásímdí Almaty qalasy Qoǵamdyq densaulyq saqtau basqarmasynyń basshysy Marat Pashımov ótkízíp, qyzdardyń tūsauyn kesíp, aldaǵy ómíríne ízgí tílek arnady.
«Búgíngí kún osyndaı sauyǵu oqıǵalarynyń kóbeıe túsuíníń mańyzyn eske salatyn erekshe kún. Balalarymyz qaıtadan qaz tūryp, tolyqqandy ómírge oralsyn. Al dárígerler olardyń ómírí úshín árdaıym ayanbaı eńbek ete bersín», — dedí Marat Pashımov.
Tamırıstíń taǵdyry — úmít pen ǵajaıyptyń, medıtsınanyń qūdíretíníń jarqyn kórínísí.
Ekí jyl būryn nebárí bes jastaǵy qyz tórtínshí qabattan qūlap, auyr bas-mı jaraqatyn alǵan edí. Onyń jaǵdaıy asa auyr boldy: júregí ekí márte toqtap, klınıkalyq ólím shegíne deıín jetken.
Balanyń ómírí úshín №2 qalalyq balalar klınıkalyq auruhanasynyń neırohırurg dárígerlerí jan ayamaı kúrestí. Bírneshe kúrdelí ota jasalyp, aq halatty abzal jandar onyń ómírín saqtap qaldy.
Osydan keıín ūzaq árí kúrdelí ońaltu kezeńí bastaldy. Tamırıs qaıtadan qımyldaudy úırendí: áuelí qoly qımyldaı bastady, keıín ayaqtaryna jan bíttí, uaqyt óte ózdígínen otyra alatyn deńgeıge jettí. Ekí jyl íshínde ol jetí kezeńnen tūratyn ońaltudan óttí. Búgínde sol eńbektíń jemísí — Tamırıs ózí júre bastady.
Qyzdyń ájesíníń alǵysy kóptíń kóńílín bosatty. Kóz jasyn tyya almaǵan ol dárígerlerge nemeresíníń ómírín saqtap qalǵany úshín sheksíz rızashylyq bíldíríp, olardyń eńbegí otbasy úshín úmít pen tírekke aınalǵanyn jetkízdí.
Rufınanyń ómír joly da erekshe jíger men tózímdílíktíń úlgísí. 2022 jyly dúnıege kelgen ol balalar tserebraldy sal auruynyń auyr túrímen kúresíp keledí. Ortalyqqa ol óte auyr jaǵdaıda tústí: ózdígínen tūra almaıtyn, júre almaıtyn, tek arbamen qozǵalatyn edí.
Onyń sauyǵu jolyndaǵy mańyzdy kezeńderdíń bírí 2025 jyldyń qarashasynda Balalarǵa shūǵyl medıtsınalyq kómek kórsetu ortalyǵynda jasalǵan ota boldy. Ahıll síńírleríne Z-tárízdí ūzartu ádísí qoldanyldy. Otadan keıín Rufına ońaltu kursynan ótíp, búgínde ózdígínen júre bastady.
Būl tūsaukeser ekí búldírshín úshín jańa ómírdíń bastauy ǵana emes, olardyń qaısarlyǵy men tózímíníń, dárígerler men otbasynyń bírlesken ortaq jeńísíníń belgísí.
Qalalyq balalardy ońaltu ortalyǵynyń qyzmetí nátıjesínde búgínge deıín 53 bala qaıtadan ayaqqa tūrǵan. 2011 jyldan berí mūnda 17 320-dan astam balaǵa kómek kórsetílíp, olardyń íshínde 7 715-ten astamy — múmkíndígí shekteulí balalar.
Būl ortalyq tek emdeu orny ǵana emes, balalardyń úmítí qaıta janyp, ómírge degen senímí oyanatyn, jańa ómírge qaıtadan alǵashqy qadam jasalatyn oryn.