Memlekettík Duma saılauynyń tabysty ótuímen qūttyqtady, dep habarlaıdy aqshamnews.kz tílshísí.
Memleket basshysy Reseı Prezıdentí Vladımır Putınge qūttyqtau jedelhatyn joldady.
Prezıdent Qasym-Jomart Toqaev Reseı Federatsıyasynyń Prezıdentí Vladımır Putındí toǵyzynshy shaqyrylymdaǵy Memlekettík Duma saılauynyń tabysty ótuímen qūttyqtady.
Memleket basshysy atalǵan saılau Reseıdíń qoǵamdyq-sayası ómíríndegí mańyzdy oqıǵa ekenín, al dauys beru nátıjesí Reseıdíń ūzaqmerzímdí múddesín qorǵauǵa baǵyttalǵan Vladımır Putınníń strategıyalyq baǵdaryn halyq keńínen qoldaıtynyna aıqyn dálel bolǵanyn atap ótken.
– Saılanǵan Memlekettík Duma deputattary azamattardyń ál-auqatyn kóteru jáne Reseıdíń álemdík derjava retíndegí áleuetín nyǵaıtu maqsatynda tıímdí sharalar men sheshímder qabyldaıtynyna kúmán joq, – delíngen qūttyqtauda.
Jedelhatta Qazaqstan-Reseı odaqtastyq qarym-qatynasynyń mańyzdy bólígí retínde parlamentaralyq yqpaldastyqqa aıryqsha nazar audarylǵan.
Qazaqstan Prezıdentí Qūryltaı deputattary men Reseı parlamentarıılerí ekí el arasyndaǵy san qyrly yntymaqtastyq pen strategıyalyq seríktestíktí odan árí damytu úshín bírlesken jūmysty belsendí jalǵastyratynyna sením bíldírdí.
Qasym-Jomart Toqaev Vladımır Putınníń Reseı Federatsıyasynyń órkendeuí jolyndaǵy memlekettík qyzmetíne tolaıym tabys tíledí.