QR ÍÍM málímdeuínshe, qazaqstandyqtarǵa azamattyqqa qatysty eskertuler jasaldy, dep habarlaıdy aqshamnews.kz
Taratylǵan aqparatta Qazaqstan zańnamasyna sáıkes azamattarǵa qos azamattyq aluǵa qatań tyıym salynatyndyǵy atap ótíldí.
"Eger azamat basqa memlekettíń azamattyǵyn qabyldasa, ol 30 kún íshínde kóshí-qon qyzmetí organdaryna habarlap, Qazaqstan Respublıkasynyń azamattyǵynan aıyrylu rásímín resímdeuí qajet",- delíngen aqparatta.
Alaıda tájírıbe kórsetkendeı, keıbír azamattar shetel azamattyǵyn alǵanymen, būl talapty oryndamaıdy. Sonyń saldarynan zańsyz qos azamattyqqa jol beríledí.
"Ekínshí azamattyq aludyń negízgí sebepterí – tek erkín júríp-tūru ǵana emes, sonymen bírge materıaldyq paıda tabu múmkíndígí. Máselen, zeınetaqy taǵaıyndau, járdemaqy alu nemese basqa da áleumettík tólemder",- delíngen aqparatta.
Pavlodar oblysy polıtsıya departamentí kóshí-qon qyzmetí basqarmasynyń bastyǵy Qanat Sartovtyń aıtuynsha, bıyl Pavlodar oblysynda qos azamattyqtyń 1047 faktísí áshkerelendí.
"Onyń íshínde basqa memlekettíń azamattyǵyn alǵany turaly uaqtyly habarlamaǵany nemese Qazaqstan azamattyǵynan aıyrylǵannan keıín de QR qūjattaryn paıdalanǵany úshín 28 adam jauapkershílíkke tartyldy. Sondaı-aq Germanıya, AQSh, Túrkıya, Polsha, Ispanıya jáne Chehıya memleketteríníń azamattyǵyn alǵan qazaqstandyqtar tarapynan azamattyqtan aıyrylu faktílerí tírkeldí, – dedí Sartov.
