Astanada 2026 jyly bıznestiń áleýmettik jaýapkershiligi jónindegi «Paryz» baıqaýynyń bastaldy, dep habarlaıdy aqshamnews.kz
Elorda ákimdiginiń málimetinshe, baıqaý halyqtyń ál-aýqatyn odan ári jaqsartý úshin qoǵam aldyndaǵy ózderiniń korporatıvtik áleýmettik jaýapkershiligin qalyptastyrýǵa jáne arttyrýǵa baǵyttalǵan.
Memlekettiń aksıalary, jarǵylyq kapıtaldaryndaǵy qatysý úlesi 50 paıyzdan asatyn uıymdar baıqaýǵa qatysýǵa jiberilmeıdi.
Baıqaý tórt nomınasıa boıynsha ótedi: 1) «Úzdik áleýmettik jaýapty kásiporyn». Bul nomınasıada óz personalyn qoldaýǵa, múmkindigi shekteýli adamdardy áleýmettik beıimdeýge jáne jalpy koǵamnyń ál-aýqatyn jaqsartýǵa baǵyttalǵan áleýmettik baǵdarlamalardy (eńbekaqyny jáne áleýmettik tólemderdi tóleýdi, kadrlardy kásiptik daıarlaý men qaıta daıarlaý júıesin uıymdastyrý, múmkindigi shekteýli adamdardy barynsha kóp mólsherde jumysqa ornalastyrý jáne taǵy basqalar) iske asyratyn úmitkerlerdiń kyzmeti qaralady; 2) «Eńbekti qorǵaý salasyndaǵy úzdik kásiporyn». Bul nomınasıada eńbek kyzmeti prosesinde qyzmetkerlerdiń densaýlyǵyn saqtaýǵa múmkindik beretin eńbek jaǵdaılaryn jasaıtyn úmitkerlerdiń qyzmeti qaralady; 3) «Úzdik ujymdyq shart». Bul nomınasıada Qazaqstan Respýblıkasynyń zańnamasynda kózdelgen, qyzmetkerlerdiń eńbek jáne áleýmettik quqyqtaryn edáýir jaqsartatyn jáne nyǵaıtatyn ujymdyq sharttar qaralady; 4) «Ekologıaǵa qosqan úlesi úshin». Bul nomınasıada qorshaǵan ortanyń, qaldyqtardy kádege jaratý men qaıta óńdeýdiń jaı-kúıin jaqsartýǵa baǵyttalǵan tabıǵatty qorǵaý (ekologıalyq) baǵdarlamalaryn, is-sharalaryn jáne jobalaryn iske asyrýda erekshe kózge túsken úmitkerlerdiń qyzmeti qaralady.
Ótinimderdi qabyldaý 2026 jyldyń 1 shildesine deıin júrgiziledi.
Baıqaýǵa qatysý tegin. Úmitkerler óz materıaldaryn qaǵaz túrinde jáne elektrondy formatta joldaıdy.
Baıqaý jóninde tolyq aqparatty 55-68-34, 55-68-05, 55-68-11 (Astana qalasynyń Jumyspen qamtý jáne áleýmettik qorǵaý basqarmasy), 57-49-38, 57-49-35, 57-49-36 (Memlekettik eńbek ınspeksıasy Komıtetiniń Astana qalasy boıynsha departamenti), 55-75-74, 55-75-81 (Astana qalasynyń Qorshaǵan ortany qorǵaý jáne tabıǵatty paıdalaný basqarmasy) telefondary arqyly alýǵa bolady.
Mekenjaıymyz: Astana qalasy, Beıbitshilik kóshesi, 9, 2-qabat, 220-kabınet, el.poshta: a.nurekenova@astana.kz. a.adilbekov@astana.kz.
Tolyq nusqasyna gıpersilteme berýdi umytpańyz: https://turkystan.kz/article/274632-paryz-2026-baiqauyna-otinim-qabyldau-bastaldy