Tashkentte «Ortalyq Azıya: ortaq ruhanı-aǵartushylyq mūra – ortaq bolashaq» atty Halyqaralyq kongress ayasynda Ortalyq Azıya elderí men Ázerbaıjan kıno kúnderíníń saltanatty ashyluy óttí, - dep habarlaıdy Aqshamnews.kz.
Ís-shara Ūlttyq kınoóner saraıynda ūıymdastyrylyp, oǵan Ortalyq Azıya memleketterí men Ázerbaıjannyń ǵylymı jáne mádenı orta ókílderí, óner qaıratkerlerí men jas kóshbasshylary qatysty.
Baǵdarlama ayasynda kórermenge qazírgí qazaqstandyq kınoındustrıyanyń tańdauly tuyndylary ūsynyldy. Atap aıtsaq, «Jambyl. Jańa dáuír» tarıhı fılmí, prokatta bír mıllıard teńgeden astam tabys jınaǵan «Qaitadan» dramasy, 2024 jylǵy Paralımpıada oıyndarynyń kúmís júldegerí Erǵalı Shámeev turaly qysqametrajdy «Úmít sáulesí», sondaı-aq ómíríndegí qıyndyqtardy eńbek pen jígerdíń kúshímen eńsergen kókparshy qyz Eva Jıgalınanyń ómírí negízínde túsírílgen «Eva – Batyr qyz» kórkem tuyndysy. Ár fılm ózbek kórermeníníń ystyq yqylasyna bóleníp, tuyndylardyń mazmūny men kóterílgen taqyryptary joǵary baǵalandy.
«Jambyl. Jańa dáuír» fılmí kórsetílímíne Ózbekstan Kınoagenttígíníń dırektory Shuhrat Rızaev arnaıy qatysty. Ol rejısser Jandos Qūsaıynovtyń eńbegín baǵalap, onyń kásíbı sheberlígín atap óttí. Sonymen qatar, ol rejısserdí Qazaqstan men Ózbekstannyń aldaǵy bírlesken jobalaryna qatysuǵa shaqyrdy.
Halyqaralyq kongress baǵdarlamasy ayasynda qazaqstandyq rejısserler «Ózbekfılm» studıyasynyń pavılondaryn aralady. Aıta ketu kerek, studıyada túrkí jáne arab kıímderínen bastap túrlí sauyttarǵa deıíngí rekvızıt pen kostyum kollektsıyasy bar. Būl tarıhı janrdaǵy jobalar úshín aıryqsha qyzyǵushylyq tudyrdy. Mūndaı jūmys saparlary mamandarǵa bírlesken jobalardyń egjeı-tegjeıín talqylauǵa, tájírıbe almasuǵa jáne kásíbı baılanystardy nyǵaıtuǵa múmkíndík beredí. Osy arqyly elder arasyndaǵy mádenı yntymaqtastyqtyń jańa kókjıekterí ashylady.
Sonymen bírge kongress ayasynda Qazaqstan, Ázerbaıjan, Qyrǵyzstan, Tájíkstan, Túríkmenstan jáne Ózbekstan kıno ūıymdarynyń basshylary qatysqan dóńgelek ústel óttí. Taraptar elder arasyndaǵy yntymaqtastyqty keńeıtu, bírlesken kınojobalardyń áleuetí, ūlttyq kınony halyqaralyq deńgeıde damytu jáne kınoóner arqyly gumanıtarlyq baılanysty nyǵaıtu máselelerín talqylady.
Jıynda erekshe nazar koproduktsıyaǵa qolaıly jaǵdaı jasauǵy, kásíbı tájírıbe almasu men Ortalyq Azıya elderí men Ázerbaıjan arasyndaǵy mádenı dıalogty damytu baǵyttaryna audaryldy.