Kontsertter, festıvalder, kórmeler, sporttyq jáne shyǵarmashylyq ís-sharalar óttí, dep habarlaıdy aqshamnews.kz tílshísí.
Almatyda Qala kúnín ekí kún boıy merekeleu ayaqtaldy. 19 jáne 20 qyrkúıekte qalanyń negízgí alańdarynda jáne barlyq segíz audanda kontsertter, festıvalder, kórmeler, sporttyq jáne shyǵarmashylyq ís-sharalar óttí. Ekí kún íshínde olarǵa 1 mln-nan astam qala tūrǵyny men qonaǵy qatysty. Būl turaly Almaty qalasy Mádenıet basqarmasynyń ókílderí habarlady.
Abaı alańynda Almaty ákímí Darhan Satybaldynyń qatysuymen saltanatty kontsert ótíp, «Almaty qalasynyń qūrmettí azamaty» ataǵyn tabystau rásímí ūıymdastyryldy. Sondaı-aq, «Sazgen sazy» folklorlyq-etnografıyalyq ansamblí, Qazaq memlekettík tsırkíníń artısterí, ASU ūjymy jáne «Alatau» dástúrlí óner teatry óner kórsettí. Būdan bólek, pıanıst Ratovich, NE PROSTO ORCHESTRA jáne «D Billions» halyqaralyq muzykalyq shouy kórermenderge merekelík kóńíl kúı syılady.
Qonaqtar úshín taqyryptyq jáne balalar aımaqtary, AI & ROBOT ZONE, kraft oıyndar alańy jáne kásíbı suretshílerdíń «Ajarly Almaty» atty tuyndylar kórmesí jūmys ístedí.
Astana alańynda kúndízgí kontserttík baǵdarlamalar, «Almaty Vibes» muzykalyq festıvalí jáne «Almaty Zhuldyzy» kontsertí óttí. Almaty tarıhyna arnalǵan 3D Mapping Show merekeníń basty oqıǵalarynyń bíríne aınaldy.
Panfılov jáne Jíbek joly kóshelerínde kontsertter, shyǵarmashylyq baǵdarlamalar jáne quyrshaq teatrynyń qoıylymdary ūıymdastyryldy. Kitap Fest kítap jármeńkesí 60-tan astam baspa men kítap dúkeníníń basyn qosyp, 50 myńnan astam kelushíní jınady.
Írí ís-sharalardyń bírí Alma jármeńkesí boldy. Ekí kún íshínde mūnda jergílíktí óndírushíler men sharua qojalyqtary ūsynǵan 50 sūryptaǵy 250 tonnadan astam alma satyldy.
«Alatau» dástúrlí óner teatry aldyndaǵy alańda tanymal oryndaushylar men shyǵarmashylyq ūjymdardyń qatysuymen «Án men kúıdíń besígí», «Jana Lep» jáne «Almatyǵa mahabbatpen» kontsertterí óttí.
Merekelík kúnderí Masanchı kóshesíníń Sátbaev dańǵylynan Abaı dańǵylyna deıíngí bólígínde alǵashqy gastronomıyalyq kóshe de ashyldy. Mūnda qoǵamdyq tamaqtanu oryndary men kórkeıtílgen qoǵamdyq keńístík bír aumaqta toǵystyryldy. Būl Almatyda gastronomıyalyq kósheler jelísín qūru ayasynda júzege asyrylǵan alǵashqy joba.
Qalanyń barlyq segíz audany da baǵdarlamalaryn daıyndady. Tūrǵyndar úshín kontsertter, sporttyq jarystar, kórmeler, sheberdíń sabaqtary, otbasylyq jáne balalarǵa arnalǵan ís-sharalar ūıymdastyryldy.