Aua-raıynyń nasharlauyna, boranǵa, kóktaıǵaqqa, qatty jelge jáne nóldík kórínuge baılanysty TJM 242 adamdy, onyń íshínde 8 balany qūtqaryp, evakuatsıyalady, sondaı-aq 19 avtomashınany qar qūrsauynan shyǵardy.
Aua-raıynyń nasharlauy turaly dauyldy eskertuler men avtojoldardyń jabyluy turaly habarlamalar SMS-habarlamalar, TJM, aumaqtyq bólímshelerdíń ınternet-resurstary jáne áleumettík jelílerí arqyly halyqqa jetkízíldí. Avarıyalyq-qūtqaru jáne ízdestíru-qūtqaru jūmystaryn júrgízuge qūtqarushylar men polıtsıya qyzmetkerlerí qatysty.
Qūtqaru jūmystaryn erekshe atap ótken jón:
Abaı oblysynda qar qūrsauynda qalǵan avtokólíkten 2 adam qūtqaryldy.
Jarma audanynda Qalbatau auylynan 15 shaqyrym jerde TJM kúshterí qar qūrsauynda qalǵan jeńíl avtokólíkten ekí adamdy qūtqaryp, Qalbatau auylyna jetkízdí. Olarǵa medıtsınalyq kómek qajet bolmady.
Aqtóbe jáne Qaraǵandy oblystarynda TJM qūtqarushylary 100 astam adamdy jylytu punkteríne evakuatsıyalady.
Aqtóbe oblysynyń Áıteke bı audanynda respublıkalyq mańyzy bar avtojolda qozǵalystyń shekteluíne baılanysty Qarabūtaq auylyndaǵy blok-bekette 78 jolaushysy bar ekí avtobus qalyp qoıdy. Sondaı-aq Qaraǵandy oblysynyń Abaı audanynda, jabyq jol uchaskesíníń aldynda ornalasqan Topar kentíndegí blok-bekette 56 jolaushysy bar bír avtobus toqtap qaldy. TJM qūtqarushylary, polıtsıya qyzmetkerlerí jáne jergílíktí atqarushy organnyń qyzmetkerlerímen bírge avtobustardan 100 astam adamdy jaqyn jerdegí jylytu punktteríne ornalastyrdy. Olarǵa medıtsınalyq kómek qajet bolǵan joq.
Jetísu oblysynda qar qūrsauynan 30 adam qūtqaryldy.
Alakól audanynda «Úsharal-Dostyq» avtojolynyń 112 shaqyrymynda TJM qūtqarushylary qar qūrsauynda qalǵan adamdarǵa kómekke keldí. Úsh jeńíl kólíkte 8 eresek adam bolǵan. Olardyń barlyǵy qūtqarylyp, Kóktūma stantsıyasyna jetkízíldí. Olardyń eshqaısysyna medıtsınalyq kómek qajet bolǵan joq.
Alakól audanynda «Úsharal-Dostyq» avtojolyna qatarlasa ornalasqan auylíshílík jolda Kóktūma stantsıyasynan 25 shaqyrym qashyqtyqta avarıyalyq-qūtqaru jūmystary júrgízíldí. Qar qūrsauynda tórt jeńíl avtokólík qaldy, olardyń íshínde jetí adam bolǵan. TJM qūtqarushylary azamattardy evakuatsıyalap, Kóktūma stantsıyasyna jetkízdí. Olarǵa medıtsınalyq kómek qajet bolǵan joq.
Alakól audanynda Úsharal–Dostyq avtojolynda Kóktūma stantsıyasynan 20 shaqyrym jerde qar qūrsauynda qalǵan bes jeńíl avtokólíkten adamdardy evakuatsıyalau avarıyalyq-qūtqaru jūmystary júrgízíldí. TJM qūtqarushylarynyń kúshímen 15 adam qūtqaryldy. Barlyǵy Kóktūma stantsıyasyna jetkízíldí. Olarǵa medıtsınalyq kómek qajet emes edí.
Aqtóbe oblysynda TJM qyzmetkerlerí 60-qa juyq jolaushyny evakuatsıyalady.
Áıteke bı audanynda Qarabūtaq auylynan 15 shaqyrym jerde «Máskeu-Shymkent» baǵytyndaǵy reıstík avtobuspen júk kólígí soqtyǵysty. Órt bolǵan joq. TJM qūtqarushylary vahtalyq avtomobıldíń kómegímen 59 jolaushyny jaqyn mańdaǵy «Mayak» kempıngíne evakuatsıyalady. Olardyń arasynda Qazaqstan, Ózbekstan jáne Qyrǵyzstan azamattary bar. Zardap shekkender joq.
Almaty oblysynyń taularynda TJM qūtqarushylary turıstí tapty.
Túnde Almaty oblysy Qarasaı audanynyń tauly aımaǵynda bıíktígí 4400 metr bolatyn «Jas gvardıya» shyńy mańynda ízdestíru-qūtqaru jūmystary júrgízíldí. Túsken aqparatqa sáıkes 1998 jyly tuǵan jígít 27 jeltoqsan kúní shamamen saǵat 19-00-de «Jas gvardıya» shyńyna shyǵu úshín jolǵa shyǵyp, sol uaqytta sońǵy ret baılanysqa shyqqan. Keıínnen onyń ūyaly telefony óshíp qalǵan. Ízdestíru jūmystaryn júrgízu úshín TJM kúshterí men qūraldary jūmyldyryldy. Qūtqaru qyzmetíníń qyzmetkerlerí joǵalǵan azamatty «Sovetov shyńy» mańynan tauyp, ony «Úlken Almaty kólí» baqylau-qūtqaru punktíne deıín túsírdí. Ol medıtsınalyq kómekke mūqtaj bolǵan joq.
Batys Qazaqstan oblysynda TJM qūtqarushylary mūz astyna túsíp ketken júk kólígín shyǵardy.
112 pultíne Oktyabrskoe auylynda Shaǵan ózennen ótu kezínde júk kólígí mūz astyna túsíp ketkení turaly habarlama kelíp tústí. Júrgízushí der kezínde kólíkten shyǵyp úlgerdí. Oqıǵa ornyna TJM kúshterí jedel jettí. Súńguírler toby arqandy bekítíp, júk kólígín sudan shyǵardy. Zardap shekkender joq.
Qostanaı oblysynda TJM qyzmetkerlerí er adamdy qar qūrsauynan qūtqardy.
Tselınnoe auylynan 2 shaqyrym qashyqtyqta ornalasqan auylíshílík jolda qar qūrsauynda jeńíl avtokólík tūryp qaldy. Kólíktíń íshínde shetel azamaty bolǵan. Oqıǵa ornyna TJM kúshterí jíberíldí. Qūtqarushylardyń jedel árí úılesímdí áreketteríníń arqasynda kólík qar qūrsauynan sáttí shyǵaryldy. Júrgízushíge medıtsınalyq kómek qajet bolǵan joq.
Qaraǵandy oblysynda TJM qūtqarushylary būzylyp qalǵan avtobustyń jolaushylaryn evakuatsıyalady.
112 pultíne «Astana – Qaraǵandy – Almaty» avtojolynyń 180-shaqyrymynda Temírtau qalasy mańynda jolaushylar avtobusynyń synyp qalǵany jáne qūtqarushylardyń kómegí qajet ekení turaly habarlama tústí. Oqıǵa ornyna TJM kúshterí men qūraldary jedel túrde jíberíldí. Avtobustan 32 adam, onyń íshínde 4 bala evakuatsıyalanyp, jylytu punktíne jetkízíldí. Jolaushylardyń arasynda Qytaı Respublıkasynyń 2 azamaty jáne Ózbekstan Respublıkasynyń 2 azamaty bolǵan. Evakuatsıyalanǵan azamattarǵa medıtsınalyq kómek qajet bolǵan joq.
TJD kúshímen ótímdílígí joǵary tehnıkasynda avtojoldardyń kúrdelí qarly uchaskelerínde adamdardyń jáne keptelíste qalǵan avtokólíkterdíń boluyna patruldeu júrgízíldí. Qūtqarushylar halyqqa kómek kórsetíp, avtojoldarda qauípsízdíktí qamtamasyz ete otyryp, táulík boıy jūmys ísteudí jalǵastyruda.
Qazaqstan TJM azamattardy saqtyq sharalaryn saqtauǵa, dauyldy eskertulerdí qadaǵalauǵa jáne qolaısyz aua raıy jaǵdaıynda alys saparlarǵa shyqpauǵa shaqyrady. Auyl tūrǵyndaryna aua-raıynyń nasharlauy jaǵdaıynda ūzaq seruendeuden bas tartu ūsynylady.