Qazaqstan mūsylmandary dínı basqarmasynyń ūıymdastyruymen ótíp jatqan «Qazaq dástúríndegí otbasy qūndylyǵy» respublıkalyq tanymdyq konferentsıyasynda bayandama jasaǵan Bas múftı Nauryzbaı qajy Taǵanūly osy máselege toqtaldy.
«Otbasy tek bír adamnyń emes, ekí jaqtyń da ortaq jauapkershílígí. Er men áıel óz otbasyna qamqor, qıyndyqta bírge boluǵa míndettí. Paıǵambarmyz (oǵan Allanyń salauaty men sálemí bolsyn): «Shyn mánínde, áıelderíńníń senderdíń aldynda jáne senderdíń áıelderíńníń aldynda tıístí míndettteríń bar», – dep eskerttí. Shyn mánínde, sharıǵatqa negízdelgen otbasy – berekeníń, meıírímníń jáne ımandylyqtyń ordasy. Osy sebeptí árbír mūsylman otbasy qūru men ony saqtap qaluǵa jauapty.
Islam dínínde de, qazaq halqynyń dástúrínde de otbasy máselesí úlken mańyzǵa ıe. Islam otbasyn kıelí shańyraq retínde sıpattasa, qazaq dástúrí otbasyn ūlttyq ruhtyń, mádenıettíń jáne ádet-ǵūryptyń altyn besígí dep baǵalaıdy. Qyz bala – ádep pen ıbanyń ıesí retínde, ūl bala – el men jerdíń qamqory retínde erlíkke, batyrlyqqa tárbıelengen. Kelín – jańa túsken otbasynyń berekesí retínde sanalsa, kúıeu bala – bóten emes, tórge shyqqan qūrmettí adam retínde qarastyrylǵan» dedí QMDB Tóraǵasy óz bayandamasynda.
Respublıkalyq tanymdyq konferentsıyaǵa zıyaly qauym ókílderí, belgílí ǵalymdar, otbasylyq sarapshylar, dín qyzmetkerlerí, student jastar men BAQ ókílderí qatysuda.
