Qazaqstanda memlekettík tūrǵyn úı kezegínde tūrǵan azamattardyń basym bólígí málímetterín jańartpaǵandyqtan, óz oryndarynan aıyrylu qaupí tóníp tūr.
Qazírgí tańda kezekte 642 myń adam bar, bíraq olardyń nebárí 14%-y ǵana derekterín rastaǵan, - dep habarlaıdy Aqshamnews.kz.
Būl turaly "Otbasy bank" basqarma tóraıymy Lázzat Ibragımova májílís janyndaǵy qoǵamdyq palata otyrysynda aıtty. Tóraıymnyń sózínshe, kezektegí azamattar turaly aqparat sońǵy jyldary jańartylmaǵandyqtan, úlken alshaqtyqtar anyqtalǵan:
- kóptegen adamdardyń baılanys nómírlerí jaramsyz;
- tūrǵylyqty mekenjaı derekterí sáıkes kelmeıdí;
- otbasy qūramy turaly aqparat eskírgen.
Bíz 642 myń kezekte tūrǵan azamatqa qatysty derekterdí alǵan kezde, sońǵy ekí jylda eshqandaı sanaq júrgízílmegenín bíle tūra, qıyndyqtarǵa daıyn boldyq. Yaǵnı, kezek tízímderí tek nómírler men JSN arqyly ǵana berílgen. Bíraq másele būdan da tereń bolyp shyqty. Bízde azamattardyń jaramdy telefon nómírlerí joq, tírkelgen meken-jaıylary turaly málímetter de sáıkes emes, otbasy qūramy turaly aqparat ta sáıkes kelmeıdí, - dedí Lázzat Ibragımova.
Bank tórt aı boıy málímetterdí ózektendíru jūmystaryn júrgízíp keledí. Alaıda kezekte tūrǵandardyń bír bólígí kelísímín bermeı otyr, óıtkení búgínde kópshílígí memlekettík qoldau talaptaryna saı kelmeıdí. 30 qarasha 2025 jylǵa qaraǵanda, 642 myń adamnyń íshínde 92 myńnan astamy ǵana óz derekterín rastaǵan.
Ibragımovanyń aıtuynsha, kezekte tūrǵandardyń bírazy qazír būrynǵydaı jeńíldík sanattaryna jatpaıdy. Bíreuler áskerı qyzmetten ketken, bíreuler memlekettík qyzmetshí mártebesín joǵaltqan, keıbíríníń balalary kámeletke tolǵan nemese otbasy múshelerí baspana satyp alǵan.
Derekterín jańartudan bas tartqandardyń kesírínen tūrǵyn úı beru protsesí tejelíp otyr. Mysaly, 2008 jylǵy kezekke ótu úshín aldymen 2007 jylǵy tízím tolyq tekserílíp, jańartyluy kerek.