Oqıǵa Óskemende futbol matchy kezínde bolǵan, dep habarlaıdy aqshamnews.kz tílshísí.
Óskemende qoǵamdyq tártíptí saqtau jáne azamattardyń qauípsízdígín qamtamasyz etu maqsatynda qyzmet atqaryp júrgen QR ÍÍM Ūlttyq ūlanynyń 5518 áskerı bólímíníń áskerı qyzmetshílerí adasyp ketken bes jasar balany tauyp, ata-anasyna aman-esen tabystady.
Oqıǵa Óskemende "Altaı" jáne "Ordabasy" futbol komandalary arasynda ótken match kezínde bolǵan.
Shamamen saǵat 18:50-de matchtyń úzílísí kezínde patruldík jasaq áskerı qyzmetshíleríne bes jasar balanyń joǵalǵany turaly habarlama kelíp túsken. Áskerı jasaq bastyǵy aqparatqa jedel áreket etíp, balanyń syrtqy belgílerí men ózge de málímetter kórsetílgen baǵyttamany jeke qūramǵa jetkízdí.
Kóp ūzamaı áskerı jasaq bastyǵy Dıas Nūrdybaev, patrulshíler qatardaǵy Erbol Aıdar men Súgír Mūhammed polıtsıya qyzmetkerlerímen bírlesíp, balany ízdeuge kírístí.
Jedel ūıymdastyrylǵan ízdestíru jūmystarynyń nátıjesínde bala kóp ūzamaı tabylyp, ata-anasyna aman-esen tapsyryldy.
Oqıǵadan keıín polıtsıya qyzmetkerlerí ata-analarǵa adam kóp jınalatyn oryndarda balalardy qarausyz qaldyrmaı, olardyń qauípsízdígíne barynsha mūqıyat bolu qajettígín túsíndírdí.