«Auyldyq densaulyq saqtaudy jańǵyrtu» ūlttyq jobasynyń sheńberínde 655 nysannyń qūrylysy ayaqtaldy, dep habarlaıdy aqshamnews.kz tílshísí.
2019 jyldan berí Qazaqstanda 1 263 densaulyq saqtau nysany salyndy. Írí jobalardyń qatarynda Astanadaǵy Ūlttyq ǵylymı onkologıya ortalyǵy men 200 tósekke arnalǵan Ūlttyq shūǵyl medıtsınany úılestíru ortalyǵy, Almatydaǵy 350 tósekke arnalǵan Ūlttyq ınfektsıyalyq aurular ǵylymı ortalyǵy, sondaı-aq óńírlerdegí jańa auruhanalar men emhanalar bar.
Medıtsınalyq ınfraqūrylymdy damytu bírneshe míndettí qatar sheshuge múmkíndík beredí: densaulyq saqtau júıesíníń quattylyǵyn arttyru, halyqtyń mamandandyrylǵan jáne joǵary tehnologıyalyq medıtsınalyq kómekke qoljetímdílígín keńeıtu, zamanauı dıagnostıka men emdeu ádísterín engízu, sondaı-aq medıtsına mamandarynyń jūmys ísteuíne jańa jaǵdaılar jasau.
Búgínde elímízde jalpy qūny 108 mlrd teńgení qūraıtyn 51 densaulyq saqtau nysany qatar salynyp jatyr. Atap aıtqanda, Qyzylorda jáne Óskemen qalalarynda 300 tósekke arnalǵan kópbeıíndí auruhanalardyń qūrylysy jalǵasuda. Atyrau oblysynyń Órken jáne Nūrsaya shaǵyn audandarynda, Soltústík Qazaqstan oblysynyń Beskól auylynda jáne Taldyqorǵan qalasynda jańa emhanalar boı kóterude.
Medıtsınalyq nysandardy salu jáne jańǵyrtumen qatar, olardy kadrlarmen qamtamasyz etu jáne óńírlerge mamandar tartu jūmystary júrgízílude. 2023–2025 jyldary jáne 2026 jyldyń bírínshí jartyjyldyǵynda auyldyq medıtsınalyq ūıymdarǵa 1 735 maman jūmysqa ornalastyryldy. Onyń íshínde 722 dáríger jáne 1 013 orta medıtsına qyzmetkerí bar. Osy kezeńde jańǵyrtylyp jatqan 32 audandyq auruhanaǵa taǵy 624 dáríger men 642 orta medıtsına mamany keldí. Osylaısha, auyldyq densaulyq saqtaudy kadrlarmen qamtamasyz etu jóníndegí ūlttyq jobanyń ís-sharalary 100% oryndaldy.
Auyldyq densaulyq saqtauǵa erekshe kóńíl bólínude. Būl baǵytta alǵashqy medıtsınalyq-sanıtarıyalyq kómek júıesí damytylyp, audandyq auruhanalardyń múmkíndíkterí kúsheıtílude.
2025 jyldyń sońyna qaraı «Auyldyq densaulyq saqtaudy jańǵyrtu» ūlttyq jobasynyń sheńberínde josparlanǵan medıtsınalyq-sanıtarıyalyq alǵashqy kómek nysandarynyń barlyǵy – 655 nysannyń qūrylysy ayaqtaldy. Sonyń arqasynda 1 mln-nan astam auyl tūrǵyny medıtsınalyq kómekke tíkeleı tūrǵylyqty jerí boıynsha júgínu múmkíndígíne ıe boldy. Jańa nysandar telemedıtsına jáne fızıoterapıya kabınetterímen, dáríhana punktterímen, emdík dene shynyqtyru zaldarymen jáne basqa da qajettí ınfraqūrylymmen jabdyqtalǵan.
Sonymen qatar 32 audandyq auruhana jańǵyrtyluda, onyń 12-sí tolyq jańartyldy. Jóndeu jáne jańǵyrtu jūmystarymen qatar auruhanalar kompyuterlík tomograftar men angıografıyalyq keshenderdí qosa alǵanda, zamanauı medıtsınalyq jabdyqtarmen jaraqtandyryluda.
Būl, ásírese, ınfarkt pen ınsult kezínde mańyzdy, óıtkení mūndaı jaǵdaıda medıtsınalyq kómek alǵashqy saǵattarda kórsetíluí qajet. Jańa jabdyqtar audan ortalyqtarynyń ózínde dıagnostıka júrgízíp, emdeudí bastauǵa múmkíndík beredí. Nátıjesínde patsıentterdí oblystyq auruhanalarǵa tasymaldau qajettílígí azayady.
Jańǵyrtu jūmystary ayaqtalǵannan keıín 4 mln-nan astam auyl tūrǵyny audan deńgeıínde mamandandyrylǵan jáne joǵary tehnologıyalyq medıtsınalyq kómekke qol jetkízedí. Mamandardyń baǵalauynsha, jobany íske asyru júrek-qan tamyrlary aurulary men ınsultten bolatyn ólímdí shamamen 20%-ǵa tómendetuge múmkíndík beredí.
Medıtsınalyq nysandardy salu jáne jańǵyrtumen qatar, óńírlerge mamandar tartu jūmystary da jalǵasuda. 2023–2025 jyldary jáne 2026 jyldyń bírínshí jartyjyldyǵynda auyldyq medıtsınalyq ūıymdarǵa 1 735 maman, onyń íshínde 722 dáríger men 1 013 orta medıtsına qyzmetkerí jūmysqa ornalastyryldy. Osy kezeńde jańǵyrtylyp jatqan 32 audandyq auruhanaǵa taǵy 624 dáríger jáne 642 orta medıtsına mamany keldí.