Saılau qarsańynda jáne dauys beru kúní mıssıya ókílderí 102 saılau uchaskesíne barǵan, dep habarlaıdy aqshamnews.kz tílshísí.
Qazaqstandaǵy Qūryltaı deputattarynyń saılauyna halyqaralyq baqylau júrgízgen Shanhaı yntymaqtastyq ūıymy (ShYŪ) elderíníń mıssıyasy saılau barysynyń ūıymdastyrylu deńgeıíne men ashyqtyǵyna joǵary baǵa berdí. Būl turaly baıqaushylar Halyqaralyq baıqaushylarǵa járdemdesu ortalyǵynda ótken brıfıngte málímdedí.
ShYŪ Bas hatshysynyń orynbasary T.R. Mıdhunnyń aıtuynsha, elímízídń halyqaralyq baıqaushylardy shaqyruy Qazaqstannyń Qūryltaı saılauyn barynsha ashyq árí ashyqtyq qaǵıdattaryn saqtaı otyryp ótkízuge degen ūmtylysyn kórsetedí.
Mıssıya múshelerí saılau uchaskeleríne ashylǵanǵa deıín baryp, byulletenderdí daıyndau barysyn jáne dauys beruge qajettí jaǵdaılardyń qamtamasyz etílu deńgeıín baqylaǵan. ShYŪ eldíríníń mıssıyasy tarapynan baqylau Astana qalasy men Aqmola oblysynda júrgízíldí. Saılau qarsańynda jáne dauys beru kúní mıssıya ókílderí 102 saılau uchaskesíne barǵan.
T.R. Mıdhun saılaushylardyń azamattyq belsendílígín jáne uchaskelík saılau komıssıyalary qyzmetkerleríníń kásíbılígín erekshe atap óttí. Ol komıssıya múshelerí saılaudy ótkízu úshín barlyq qajettí jaǵdaıdy qamtamasyz etkenín jetkízdí.
«Saılau uchaskelerínde qajettí qūjattar, aqparattyq-anyqtamalyq materıaldar, baıqaushylardy tírkeu jurnaldary, kezekshílík kestelerí men ózge de málímetter tolyq kólemde ūsynylǵan», – dedí ol.
Sondaı-aq, mıssıya saılau kúní áıelder men jastardyń belsendí qatysqanyna nazar audardy. Baqylaushylar saılau uchaskeleríndegí dauys beru bírqalypty árí ūıymdasqan túrde ótíp, belgílengen tártíp pen kózdelgen barlyq rásímder tolyq saqtalǵanyn aıtty.
T.R. Mıdhunnyń aıtuynsha, dauys beru kúní mıssıya ókílderíne bírde-bír shaǵym nemese eskertu túspegen. Mıssıya alǵashqy Qūryltaı saılauyn ashyq, shynaıy árí demokratıyalyq qaǵıdalarǵa sáıkes óttí dep baǵalady.
Belarus Respublıkasy Ūlttyq jınalysy Respublıka Keńesíníń Bílím, ǵylym, mádenıet jáne áleumettík damu jóníndegí tūraqty komıssıyasynyń tóraǵasy Natalıya Pavlyuchenko da saılaudyń ūıymdastyryluyna joǵary baǵa berdí.
Onyń aıtuynsha, ShYŪ mıssıyasynyń múshelerí saılau uchaskeleríne dauys berudíń qarsańynda da, dauys beru kúní de baryp, saılaushylar úshín jasalǵan jaǵdaılar men uchaskelerdíń daıyndyq deńgeıín baqylaǵan.
Reseı Federatsıyasy Ortalyq saılau komıssıyasynyń múshesí Alena Bulgakova saılau protsesíníń jarıyalylyǵy men ashyqtyǵyna erekshe mán berdí.
«Saılau komıssıyalarynyń múshelerí úı-úıdí aralap, azamattardy aqparattandyryp, dauys beru tártíbí men memlekettík qūrylymdaǵy aldaǵy ózgeríster turaly tolyq túsíndírme jūmystaryn júrgízgen», – dedí ol.
Sóz sońynda Mıssıya ókílderí Qazaqstan halqyn Qūryltaı saılauynyń sáttí ótuímen qūttyqtady.