Polıtsıya departamentíníń bastyǵy jas batyrǵa alǵys bíldírdí, dep habarlaıdy aqshamnews.kz tílshísí.
Qaraǵandy oblysynyń bas polıtseıí Negmet Ismagulov suǵa batyp bara jatqan tórt jasar balany qūtqaryp qalǵan 13 jastaǵy Nūraly Álhandy qabyldap, jasóspírímge erlígí úshín alǵys bíldírdí.
Oqıǵa tamyz aıynyń basynda Būqar jyrau audanyndaǵy Semízbūǵy kólínde bolǵan. Suda oınap júrgen tórt jasar bala míngen úrmelí matras jeldíń áserínen audarylyp, bala suǵa qūlap ketken. Sol sátte jaǵalauda bolǵan 9-synyp oqushysy Nūraly Álhan oılanbastan kómekke ūmtylyp, balany sudan aman alyp qalǵan.
Jasóspírímníń erlígí turaly áleumettík jelíden bílgen Qaraǵandy oblysynyń polıtsıya departamentíníń bastyǵy Negmet Ismagulov Nūralyny arnaıy qabyldap, onyń anasyna da rızashylyǵyn bíldírdí.
– Balańyzdyń erlígí turaly áleumettík jelíden oqyp, erekshe rıza boldym. Syn saǵatta taısalmaı, tórt jasar balanyń ómírín qūtqarǵan Nūralynyń batyldyǵy kópke úlgí. Osyndaı erjúrek azamat tárbıelep otyrǵan ata-anasyna alǵysymdy bíldíremín. Balalaryńyzdyń bolashaǵy jarqyn bolsyn, – dedí PD bastyǵy.
Kezdesu barysynda Negmet Ismagulov alty balany tárbıelep otyrǵan Nūralynyń anasy Samal Abdrahmanovaǵa alǵys hat tabystady.
– Sol sáttí qaıta eske aludyń ózí qıyn. Anasy retínde balam úshín alǵashynda qatty qoryqtym. Bíraq onyń balany sudan aman alyp shyqqanyn estígende, boıymdy maqtanysh sezímí kernedí. Ūlymnyń erlígín eskeríp, qūrmet kórsetken polıtsıya departamentíníń basshylyǵyna alǵysymdy bíldíremín, – dedí Samal Abdrahmanova.
Al Nūraly úshín būl oqıǵa – marapatqa emes, adam ómírín qūtqaruǵa qatysty qabyldanǵan sheshím.
– Barlyǵy kútpegen jerden boldy. Bala alǵashynda úrmelí matraspen júzíp bara jatqan. Keıín jelden matras audarylyp, ol suǵa qūlap kettí. Sol sátte meníń oıymda ony qalaı da qūtqaru ǵana boldy. Meníń bes bauyrym bar. Balaǵa qaraǵan kezde óz bauyrlarymdy elestettím. Sondyqtan ony aman alyp qalu úshín bar kúshímdí saldym. Mūndaı marapat alamyn dep oılaǵan joqpyn, – deıdí Nūraly Álhan.
Jasóspírímníń batyldyǵyna tántí bolǵan Negmet Ismagulov Nūralyǵa Qazaqstan Respublıkasy Íshkí íster mınıstrlígíníń nyshany beınelengen qolsaǵat tabys ettí. Sonymen qatar onyń bauyrlaryna da syı-sıyapat jasap, jas batyrdyń bolashaqta elge adal qyzmet etíp, Zań men tártíptí qūrmetteıtín azamat boluyna tílektestígín bíldírdí.
Nūralynyń áreketí – azamattyq batyldyqtyń, janashyrlyqtyń jáne adam ómíríne degen jauapkershílíktíń jarqyn úlgísí. Syn saǵatta óz qauípsízdígín oılamaı, ózgeníń balasyn qūtqaruǵa ūmtylǵan jasóspírímníń erlígí kópke úlgí bolary sózsíz.