Qarjy mınıstrligi "Ósimpuldar men aıyppuldar somasyn esepten shyǵarý qaǵıdalaryn bekitý týraly" buıryq jobasyn daıyndady, dep habarlaıdy aqshamnews.kz
Qujatty ázirleýdiń maqsaty – 2026 jylǵy 1 qańtar men 31 naýryz aralyǵynda negizgi bereshek tolyq ótelgen jaǵdaıda ósimpuldar men aıyppuldardy esepten shyǵarý tártibi men sharttaryn aıqyndaý.
Qarjy mınıstrliginiń málimetinshe, bul shara bızneske "taza paraqtan" bastaýǵa múmkindik beredi. Iaǵnı kásipkerler ósimpuldar men aıyppuldardan bosap, banktik shottardy buǵattan shyǵaryp, múlikke qoıylǵan shekteýlerdi alyp tastap, zańdy qyzmetin kedergisiz jalǵastyra alady.
Vedomstvonyń boljamynsha, atalǵan qaǵıdalardy qabyldaý kásipkerlerdi negizgi qaryzyn tóleýge yntalandyryp, salyqtyq júktemeden tolyq bosaýyna jol ashady.
Atalǵan qujat 27 qańtarǵa deıin kópshilik talqylaýy úshin "Ashyq NQA" portalynda jarıalanǵan.