Qazaqstan Respublıkasy Úkímetíníń 2026 jylǵy 6 nauryzdaǵy qaulysymen Íshkí íster mınıstrlígíne qatysty erejege ózgeríster men tolyqtyrular engízíldí, – dep habarlaıdy aqshamnews.kz tílshísí.
Osy ózgerísterge sáıkes, 2026 jylǵy 2 shíldeden bastap mınıstrlíktíń jańa funktsıyasy íske qosylady:
elektr samokattaryn jalǵa beru qyzmetín júzege asyratyn zańdy tūlǵalar men jeke kásípkerlerge elektr samokattaryna tírkeu nómírín taǵaıyndau tártíbín, sondaı-aq nómírdíń nysany men úlgísín ázírleu jáne bekítu.
Sonymen bírge, jańa redaktsıyada mınıstrlíktíń kelesí funktsıyalary naqty kórsetílgen:
qūqyqbūzushylyqtardyń aldyn aluǵa qatysatyn azamattardy tartu tártíbí, nysandary men túrlerín ázírleu jáne bekítu;
íshkí íster organdarynda profılaktıkalyq esepte tūrǵan adamdardy esepke alu jáne olardyń ís-áreketín baqylau tártíbín ázírleu jáne bekítu.
Būl qauly 2026 jylǵy 2 nauryzdan bastap qoldanysqa enedí.
Eske salaıyq, būǵan deıín ÍÍM elektr samokattaryna memlekettík tírkeu nómírín taǵaıyndau erejesín bekítken edí.