Forbes jurnaly álemdegí eń baı adamdardyń reıtıngín jarıyalady, – dep habarlaıdy aqshamnews.kz tílshísí.
Álemdegí eń baı adamdardyń kezektí reıtıngínde Ilon Mask ekínshí jyl qatarynan kósh bastady. Tesla, SpaceX kompanıyalarynyń negízín qalaushy jáne X áleumettík jelísí ıesíníń baılyǵy 839 mıllıard dollarǵa jetken.
Ekínshí orynda Google-díń negízín qalaushy Larrı Peıdj tūr. Onyń baılyǵy – 257 mıllıard dollar. Úshínshí orynda Google-díń taǵy bír negízín qalaushy – Sergeı Brın. Onyń baılyǵy 237 mıllıard dollarǵa baǵalanǵan.
"Byltyr halyqtyń ál-auqaty būryn-sońdy bolmaǵan qarqynmen óstí, óıtkení baılar kóz ílespes jyldamdyqpen baıyp jatyr. Bıyl tízímde 3428 mıllıarder bar, būl byltyrmen salystyrǵanda 400 adamǵa kóp jáne būl – tízím 1987 jyly qūrylǵannan bergí rekordtyq kórsetkísh", - delíngen materıalda.
Tízímdegí qazaqstandyqtar
Sonymen qatar mıllıarderler reıtıngíne tanymal qazaqstandyq segíz kásípker kírgen. Olar: Vyacheslav Kım (477-oryn), Vladımır Kım (712), Tımur Qūlybaev (780), Dınara Qūlybaeva (780), Bolat Ótemūratov (780) jáne Tımur Turlov (823). Sondaı-aq būl reıtıngke alǵash ret Nūrlan Smaǵūlov (2858-oryn) pen Aıdyn Rahymbaev (3185-oryn) kíríp otyr.
Basylymnyń málímetínshe, Vyacheslav Kımníń baılyǵy 7,8 mıllıard dollarǵa, al Vladımır Kımníń baılyǵy 5,9 mıllıard dollarǵa baǵalanyp otyr. Reıtıngte 780-orynda tūrǵan Tımur Qūlybaev, Dınara Qūlybaeva jáne Bolat Ótemūratov 5,4 mıllıard dollardan tabys tapqan.
Tımur Turlov 5,2 mıllıard dollar tabysymen 823-orynda tūrsa, basylym Nūrlan Smaǵūlovtyń baılyǵyn 1,3 mıllıard dollarǵa, al Aıdyn Rahymbaevtyń baılyǵyn 1,1 mıllıard dollarǵa baǵalaǵan.