Seýl soty Ońtústik Koreıanyń burynǵy prezıdenti Iýn Sok Ólge 2024 jyly elde áskerı jaǵdaı engizýge umtylǵany jáne quqyq qorǵaý organdarynyń ony qamaýǵa alý áreketine kedergi keltirgeni úshin 5 jyl túrme jazasyn kesti, - dep habarlaıdy aqshamnews.kz tilshisi.
Yonhap agenttiginiń dereginshe, sot ony is boıynsha taǵylǵan negizgi aıyptar boıynsha kináli dep tanyǵan. Al eks-prezıdenttiń qorǵaýshylary úkimge apelásıa beretinin aıtty.
Budan bólek, áskerı jaǵdaı jarıalaý arqyly «búlik uıymdastyrdy» degen aıyppen jeke is qaralyp jatyr. Osy aptada arnaıy prokýrorlar bul is aıasynda ólim jazasyn suraǵan. Sot sheshimi 19 aqpanda shyǵarylady dep kútiledi.
Jalpy alǵanda, Iýn Sok Ól segiz is boıynsha sot aldynda jaýap berip jatyr. Olardyń qatarynda áskerı jaǵdaı engizýge talpynys, jubaıyna qatysty yqtımal sybaılas jemqorlyq kúdigi jáne 2023 jyly teńiz jaıaý áskeriniń qaza tabýyna baılanysty aıyptar bar.
Eske salaıyq, Iýn Sok Ól 2024 jylǵy jeltoqsanda áskerı tótenshe jaǵdaı engizbek boldy degen aıyppen ımpıchmentke ushyraǵan. Konstıtýsıalyq sot bul sheshimdi 2025 jylǵy 4 sáýirde resmı túrde bekitti. 2025 jyldyń qańtarynda ol qyzmette júrgen kezinde qamaýǵa alynyp, naýryzda bostandyqqa shyqqan. Alaıda tergeýge yqpal etý qaýpi bar degen ýájben keıinnen ekinshi márte qaıta qamaýǵa alyndy.