QR Eńbek jáne halyqty áleumettík qorǵau mınıstrlígí Koreya Respublıkasynyń Ádílet mınıstrlígímen zańsyz kóshí-qondy azaıtu jáne azamattarymyzdyń qūqyqtaryn qorǵau máselelerí boıynsha júrgízílgen kelíssózder barysynda, Koreyada zańsyz jūmys ístegen qazaqstandyqtarǵa aıyppūlsyz jáne qaıta kíruge tyıym salynbastan elden eríktí túrde shyǵuǵa múmkíndík beretín eríktí qonys audaru baǵdarlamasynyń merzímderín keńeıtuge uaǵdalasty, - dep habarlaıdy Aqshamnews.kz.
Bízdíń otandastarymyz būl múmkíndíktí 2025 jylǵy jeltoqsannan 2026 jylǵy aqpan aıyna deıín qosa alǵanda paıdalana alady.
Būl sharalar qūqyqtyq saldarlardy jeńíldetuge jáne óz mártebesín retteuge daıyn adamdardy qoldauǵa baǵyttalǵan. Baǵdarlama qylmystyq qūqyqbūzushylyq jasaǵan, májbúrlep shyǵaru sharasyna jatatyn, sondaı-aq 2025 jylǵy 1 jeltoqsannan keıín zańsyz mártebege túsken sheteldíkterge qoldanylmaıdy.
Baǵdarlamaǵa qatysu úshín tólqūjat, eríktí qonys audaru turaly ótínísh jáne áue bıletí qajet. Aldyn ala habarlama Koreya Respublıkasynyń ımmıgratsıya keńselerí arqyly ūshu kúníne deıín 15-ten 3 kúnge deıíngí merzímde beríledí.
QR Eńbek jáne halyqty áleumettík qorǵau mınıstrlígí qazaqstandyqtardy shetelde tek zańdy negízde jūmysqa ornalasuǵa shaqyrady. Būl zańsyz kóshí-qon, elden shyǵaryp jíberu, aıyppūldar, qūqyqtyq shekteuler jáne eńbek qanauy sıyaqty táuekelderdíń aldyn aluǵa múmkíndík beredí.
Tek resmı jáne tekserílgen eńbek resurstary arnalaryna júgínu qajet: lıtsenzıyalanǵan jeke jūmyspen qamtu agenttíkterí, memlekettík baǵdarlamalar jáne jūmys berushílerdíń resmı ūsynystary.
EHÁQM shetelde jūmys ístep júrgen Qazaqstan azamattarynyń qūqyqtaryn qorǵau boıynsha júıelí jūmysty jalǵastyrady.