Tsıfrlyq aktıvter salasy Qazaqstan ekonomıkasynda múldem jańa baǵyt bolyp otyr, dep habarlaıdy aqshamnews.kz tílshísí.
Premer-mınıstr Oljas Bektenov Úkímet otyrysynda Qazaqstandaǵy tsıfrlyq aktıvter naryǵyn damytudyń jańa kezeńíne kóshu baǵytyn aıqyndady. Qazírdíń ózínde qajettí negízgí jaǵdaı jasaldy. Endígí míndet – ınvestıtsıyalar men tehnologıyalar tartu múmkíndíkterín keńeıtuge, sondaı-aq qarjy sektorynyń básekege qabílettílígín arttyruǵa múmkíndík beretín tolyqqandy ekojúıe qalyptastyru.
«Memleket basshysy elímízdíń tehnologıyalyq jańǵyruyna qatysty mańyzdy míndetter qoıdy. Tsıfrlyq aktıvter salasy Qazaqstan ekonomıkasynda múldem jańa baǵyt bolyp otyr. Onyń damuyna qajettí negízgí jaǵdaılardyń bárí jasaldy. Endí tolyqqandy ekojúıení qalyptastyru kezeńí júríp jatyr. Yaǵnı, būl ınvestıtsıyalar men jańa tehnologıyalardy tartyp, otandyq qarjy sektorynyń básekege qabílettílígín arttyru úshín mańyzdy», — dep atap óttí Oljas Bektenov.
Premer-mınıstr ınfraqūrylymdyq jobalar, jyljymaıtyn múlík jáne ekonomıkanyń basqa da salalaryna ınvestıtsıya tartudyń taǵy bír tıímdí qūraly retínde naqty aktıvterdí tokenızatsıyalau áleuetín atap óttí.
«Endígí kezekte tsıfrlyq aktıvter men jańa qarjy qūraldaryn bírtūtas qarjy jáne tehnologıya jelísíne yqpaldastyru qajet. Naqty aktıvterdí tokenızatsıya jasauǵa basa kóńíl bólu kerek. Būl ekonomıkaǵa qarajat tartudyń taǵy bír tıímdí qūralyna aınalady. Bízde írí ınfraqūrylymdyq jobalar, jyljymaıtyn múlík nysandary, shıkízattyq jáne basqa da aktıvter bar. Osy jobalarǵa qosymsha qarajat tartu úshín tokenızatsıyany paıdalanuǵa bolady. Yaǵnı, salynyp jatqan kez kelgen ǵımaratty nemese jobany ınvestorlar qarjylandyra alatyn tsıfrlyq úlesterge bóluge bolady. Mūndaı jobaǵa kez kelgen adam aktsıoner retínde qatysa alady», —dep atap óttí Premer-mınıstr.
Ūlttyq bank aktıvterdíń naqty tízbesín aıqyndauy qajet. Olar ınvestıtsıya tartu úshín basym tártíppen tsıfrlyq nysanǵa auystyryluy tıís. Būl tetík mūqıyat rettelíp, júrgízíletín mámílelerdíń qauípsízdígíne kepíldík beríluí kerek.