Qazaqstan farabıtanudaǵy jetekshí ortalyqtyń bírí retíndegí ornyn nyǵaıtyp, sonymen qatar tsıfrlandyrudyń dín men qoǵamǵa áserín baǵalaıtyn jańa ǵylymı baǵyttardy qosa damytyp keledí, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde ótken brıfıngte spıkerler osy turaly aıtty.
Fılosofıya ǵylymdarynyń doktory, ál-Farabı atyndaǵy QazŪU professory Jaqypbek Altaev otandyq farabıtanu mektebí júıelí ǵylymı baǵyt retínde qalyptasyp, halyqaralyq deńgeıde moıyndalǵanyn atap óttí.
Onyń aıtuynsha, Qazaqstanda ál-Farabı mūrasyn zertteu, audaru men nasıhattau jūmysy 1960–70 jyldary bastalyp, qazír jańa deńgeıge jetken.
«Qazaqstan ál-Farabı mūrasyn zertteıtín álemdegí úlken ortalyqtyń bíríne aınaldy. Onyń ízgí qoǵam, adamgershílík pen aqyl-oıdyń rólí turaly aıtqan sózderí men ıdeyalary búgínde álí de ózektí bolyp otyr», – deıdí spıker.
Elímízde oıshyldyń negízgí traktattary qazaq-orys tílínde jaryq kórgenín, árí ǵalymdardyń kópjyldyq zertteuín júıeleıtín 20 tomdyq «Farabıtanu» jınaǵyn shyǵaru boıynsha úlken joba júzege asyp jatqanyn da aıtady.
Brıfıng barysynda gumanıtarlyq ǵylymdardyń zamandyq damu baǵyttaryn da tanystyrdy. PhD, ál-Farabı atyndaǵy QazŪU aǵa oqytushysy Dınara Utebaeva tsıfrlyq qoǵamdaǵy dínníń transformatsıyasy turaly bayandady.
Aıtuynsha, ınternet pen áleumettík jelí aqparat taratatyn arna ǵana emes, jańa dínı tájírıbe men bíregeılíktí qalyptastyrar keńístíkke de aınalǵan.
«Qazír medıakeńístíktegí dín – būl tek kommunıkatsıya emes, jastar arasynda jańa áleumettík tájírıbe men qūndylyq qalyptastyratyn orta», – deıdí.
Spıkerdíń aıtuynsha, aldaǵy zertteuler algorıtmderdíń, jasandy ıntellektíníń yqpaly, medıasauattylyq pen onlaın-radıkalızatsıyanyń aldyn alu máselesíne baǵyttalmaqshy.