Premer-mınıstr Oljas Bektenov 10 aqpanda ótken Qazaqstan Respublıkasy Úkímetíníń keńeıtílgen otyrysynda Memleket basshysy bergen tapsyrmalardy júzege asyru máselelerí boıynsha keńes ótkízdí, - dep habarlaıdy aqshamnews.kz.
«Keshe Memleket basshysy jańa Konstıtutsıya jobasynyń mán-mańyzyna toqtaldy. Ózgerísterdíń auqymy men mańyzdylyǵy, talqylau protsesíníń ashyq júrgízíluí el tarıhynda būryn-sońdy bolmaǵan. Prezıdentímíz atap ótkendeı, jańa Konstıtutsıya jobasynda «adam memleket úshín emes, memleket adam úshín» qaǵıdaty aıqyndala túsken. Konstıtutsıyalyq reformanyń kózdegen maqsaty da osy – auqymdy sayası jańǵyrumen qatar, ekonomıkanyń sapaly ósu qarqynyn arttyra túsuge baǵyttalyp otyr. Yaǵnı, bírínshí kezekte, halyqtyń tabysy men ál-auqatyn arttyruǵa basymdyq beríluge tıís. Būl – bízdíń aldymyzda tūrǵan asa mańyzdy míndet», — dep atap óttí Oljas Bektenov.
