Būıryq 2026 jylǵy 2 qarashadan bastap qoldanysqa engízíledí, – dep habarlaıdy aqshamnews.kz tílshísí.
Turızm jáne sport mınıstríníń 2026 jylǵy 16 qazandaǵy būıryǵymen oıyn mekemeleríníń, bukmekerlík keńselerdíń nemese totalızatorlardyń jūmys ísteu, bás qabyldau jáne qūmar oıyndar nemese bás tígudí ótkízu úlgílík qaǵıdalaryna ózgeríster engízíldí.
Atap aıtqanda, kazıno men oıyn avtomattary zaldarynyń qyzmetín júzege asyratyn oıyn bıznesín ūıymdastyrushylar zańnyń 15-babynyń 1-tarmaǵyna sáıkes qūmar oıyndarǵa qatysuyna tyıym salynǵan jeke tūlǵalardy oıynǵa jíbermeuge tıís ekení naqtylandy.
Sondaı-aq arnaıy belgílengen jekelegen aumaqtarda ornalasqan, tek shetel azamattary men azamattyǵy joq adamdarǵa arnalǵan kazıno men oıyn avtomattary zaldaryna kíru tártíbí aıqyndaldy.
Mūndaı mekemelerge tek:
- shetel azamattary;
- azamattyǵy joq adamdar;
- oıyn mekemesíníń qyzmetkerlerí;
- eńbek nemese qyzmettík míndetterín oryndau úshín kelgen ózge de adamdar kíre alady.
Būl talap kazıno, oıyn avtomattary zaldary, bukmekerlík keńseler men totalızatorlar, sondaı-aq olardyń kassalary ornalastyryluǵa tıís jekelegen aumaqtardaǵy atalǵan mekemelerge qatysty.