Tayauda ǵana úshínshí ret otbasyn qūrǵan tanymal akter Dáuren Aıdarqūlov alǵash ret jūbaıy turaly ashyq aıtty, dep habarlaıdy Aqshamnews.kz tílshísí. Būl turaly ol jurnalıst Aman Tasyǵanǵa bergen sūhbatynda áńgímeledí.
Belgílí akter Dáuren Aıdarqūlov ózínen bírneshe jas kíshí úshínshí áıelí Jūldyzben qalaı tanysqanyn aıtty. Aıtuynsha, bolashaq jūbaıyn áleumettík jelíden kóríp, sol arqyly baılanys ornatqan.
"Esímí - Jūldyz. Treds jelísínen taptym. Ártúrlí jerden jarymdy ízdep júrdím. Bíreuler tanystyryp jatady, bíraq eshkím kóńílden shyqpaıtyn. Keıín jelíden Jūldyzdy baıqap qalyp, sóılese bastadyq. Ekí aptadan keıín tuǵan aǵasynyń aldynan óttím. Toıdy josparladyq. Shíldede tanyssaq ta, jūbaıymdy qyrkúıekte sol neke qıyatyn kúní alǵash retín ómírde kórdím", - dedí akter.
Sondaı-aq, akter qazírgí áıelíníń ózínen 15 jas kíshí ekenín aıtty.
"Jūldyz ekeumízdíń aramyz 15 jas. 1997 jyly tuǵan. Úıde onlaın jūmys ísteıdí. Túrlí jalǵan aqparattar tarap jatyr ǵoı. Bíraq shyndyqty osynda aıtaıyn", - deıdí Aıdarqūlov.
Eske salaıyq, Dáuren Aıdarqūlov jaqynda úshínshí ret shańyraq kótergenín jarıyalaǵan edí. Onyń jańa nekesí jelí qoldanushylary arasynda úlken talqylauǵa tústí. Akter būǵan deıín ekí ret úıleníp ajyrasqan. Ol ekínshí ret nekesín tanymal aktrısa Aqbota-Nūrmen qıǵan edí.