Qazan qalasynda BRIKS sammıtí ayasynda qazaqtyń ūly aqyny, fılosofy jáne aǵartushysy Abaı Qūnanbaevqa arnalǵan eskertkíshtíń ashyluy josparlanuda, dep habarlaıdy aqshamnews.kz.
Reseılík «BIZNES Online» portalynyń habarlauynsha, Tatarstannyń Mádenıet mınıstrlígíne sílteme jasaı otyryp, eskertkíshtíń resmı ashylu saltanaty 24 qazanda ótedí.
Qazírgí uaqytta monument Nazarbaev kóshesínde ornatylǵan, bíraq álí de polıetılen jamylǵymen jabylǵan kúıde tūr. Eskertkísh 2018 jyly ornatylǵan qola Taıqazannyń janyndaǵy shaǵyn sayabaqta boı kóteredí.
Álemde Abaıǵa arnalǵan 30-dan astam eskertkísh pen byust bar. Olar tek Qazaqstanda ǵana emes, sondaı-aq Berlın, Parıj, Máskeu, Nyu-Delı jáne basqa da qalalarda ornatylǵan. Máselen, fotoda Abaı Qūnanbaevtyń Máskeudegí eskertkíshí beınelengen.