Ūlystyń ūly kúní – Nauryz qarsańynda Almaty qalasyndaǵy Kardıologıya ortalyǵynda mazmūndy árí taǵylymy mol ís-shara óttí. Būl basqosu qoǵam qaıratkerlerín, Assambleya ókílderín, medıtsına qyzmetkerlerín jáne qala qonaqtaryn bír arnaǵa toǵystyrdy, – dep habarlaıdy aqshamnews.kz tílshísí.
Ís-sharanyń saltanatty ashyluyn Almaty qalasy Qazaqstan halqy Assambleyasynyń Aqsaqaldar keńesíníń tóraǵasy, aqparattyq-túsíndíru tobynyń jetekshísí B. M. Ospanov júrgízdí. Ol óz sózínde ūlttyq qūndylyqtardy saqtau, qoǵamdaǵy tatulyq pen kelísímdí nyǵaıtu – el damuynyń basty negízí ekenín atap óttí.
Jıynda Qazaqstan halqy Assambleyasynyń múshesí, Almaty qalasy toǵyzqūmalaq federatsıyasynyń prezıdentí R. K. Qalıollaev jáne «Auǵan ortalyǵy “Arıana”» qoǵamdyq bírlestígí tóraǵasynyń orynbasary D. Mohammad qūttyqtau sóz sóılep, halyqtar arasyndaǵy bírlík pen ózara qūrmettíń mańyzyn erekshe jetkízdí.
Ís-sharaǵa Almaly audany ákímíníń orynbasary men Májílís deputaty da qatysyp, medıtsına salasynyń qyzmetkerleríne júrekjardy lebízderín bíldírdí. Olar adam ómírí men densaulyǵyn saqtaudaǵy dárígerlerdíń eńbegí erekshe qūrmetke laıyq ekenín atap óttí.
Kezdesu barysynda dárígerler men medıtsına qyzmetkerleríne alǵys hattar tabystaldy. Būl – olardyń kásíbılígí men janqıyarlyq eńbegíne kórsetílgen shynaıy qūrmettíń belgísí.
Nauryz – jańaru men ízgílíktíń, bírlík pen meıírímníń merekesí. Osyndaı taǵylymdy ís-sharalar qoǵamdaǵy ózara túsínístík pen syılastyqty arttyra túsetíní sózsíz.