21-23 nauryz aralyǵynda Almaty qalasy ákímdígíníń ūıymdastyruymen jáne TÚRKSOI halyqaralyq ūıymynyń qoldauymen Nauryz merekesí ayasynda Abaı alańynda Túrkí álemí halyqtarynyń auqymdy kórme-jármeńkesí ótedí, – dep habarlaıdy aqshamnews.kz tílshísí.
Nauryz — kóptegen túrkí halqy atap ótetín kóktemgí kún men túnníń teńelu merekesí, jańa jyldyń bastaluy men jańaru kezeńín beıneleıdí. Qolóner sheberlerí dástúrlí būıymdardy kórsetu arqyly mádenı qūndylyqtar men qolóner sabaqtastyǵyn nasıhattaıdy.
Almaty qalasynyń tūrǵyndary men qonaqtary Túrkıya, Ázírbaıjan, Tájíkstan, Ózbekstan, Qyrǵyzstan jáne Qazaqstannan kelgen qolónershílerdíń bíregeı tuyndylarymen tanysa alady.
Kórme-jármeńkede qonaqtardyń nazaryna Túrkıyanyń ataqty keramıkasy, Ázírbaıjannyń qoldan toqylǵan kílemderí men vıtrajdy keskíndemesí, Ózbekstannyń Rıshtannan shyqqan kógíldír keramıkasy, Tájíkstannyń kestelengen būıymdary, Qyrǵyzstannyń kıíz shyrdaqtary, sondaı-aq, Qazaqstannyń tekemetí, basqūry, qūraq, qysh būıymdary, zergerlík ónerí jáne taǵy basqa kóptegen būıym ūsynylady.